“Туган телләр һәм халыклар бердәмлеге елы” кысаларында Метрәй мәктәбе хезмәткәрләре, 7 нче март көнне  авыл күләмендә оештырылган ярминкәдә үзләренең сәүдә рәтләрен булдырдылар, уеннар,җырлар бүләк иттеләр, ярминкәгә килгән кунакларны кайнар чәй, коймак белән сыйладылар.

Метрәй мәктәбенең башлангыч сыйныфларында  әти – әниләр өчен Гаилә бәйрәме үткәрелде. Мәктәпнең 13 укучысы да «Мин – милләтемнең киләчәге, горурлыгы» конкурсында катнашып, үзләренең җыр – биюгә, кул эшләренә осталыкларын әти – әниләре алдында күрсәттеләр.

Халыкара хатын –кызлар көненә багышланган республикакүләм уздырылган “Сез безнең горурлыгыбыз!” акциясендә 4 гаилә катнашып, эшләрен  ВК һәм Инстаграм челтәренә урнаштырдылар.

“Сәламәт укытучы” проекты кысаларында, укытучылар һәм тәрбиячеләр  “Жемчужина” ял һәм сәламәтләндерү шифаханәсендә ял көннәре турында булып, сәламәтлекләрен ныгытып кайттылар.

Халыкара хатын –кызлар көненә багышлап, мәктәпкәчә яшьтәге балалар төркемендә, әти- әниләр катнашында  “ Минем әти иң булганы, минем әни иң уңганы” дип исемләнгән бәйрәм оештырылды. Балалар әтиләре, әниләре белән бергәләп  кызыклы конкурсларда ярыштылар.

1 нче сыйныф укучысы Шәрифуллин Рүзәл  “Туган телләр һәм Халыклар бердәмлеге елы” кысаларында үткәрелә торган «Мин – милләтемнең киләчәге, горурлыгы» бәйгесендә катнашып,  “Иң тырыш бала” номинациясендә җиңү яулады.

Бүген мәктәбебездә иртәнге линейка үтте.  Линейкада узган атна нәтиҗәләренә йомгак ясалды һәм атналык эш планы кабул ителде.

Укучыларыбыз Шәйгарданова Зилинә, Шыгаепов Райнур һәм Соломатин Рамазан, Тойгельде авылында,  Габделхакова Ф.А. хөрмәтенә районкүләм уздырылган чаңгы ярышында катнаштылар. 3 нче сыйныф укучысы Шәйгарданова Зилинә шәхси беренчелектә 3 нче урынны яулады.

1 сыйныф укучылары Миргалимова Зәйнәп, Шәрифуллин Рүзәл һәм 2 нче сыйныф укучысы Шыгаепов Рафик  “Туган тел һәм Халык бердәмлеге елы” кысаларында үткәрелә торган «Мин – милләтемнең киләчәге, горурлыгы» смотр – бәйгесенең зона турында катнаштылар.

Зурлар төркеме балалары Фәһимова Айсинә һәм Сәфәргалин Камил  “Туган тел һәм Халык бердәмлеге елы” кысаларында үткәрелә торган «Мин – милләтемнең киләчәге, горурлыгы» смотр – бәйгесенең зона турында катнаштылар.