Бүген 8 февраль  көнне Мөслибезнең "Кояшлы Ык" ял итү зонасында " Татарстан чаңгы юллары - 2020" район спорт бәйрәме һәм "Коймак" фестивале узды. Әлеге чарада "Ләйсән" балалар бакчасы коллективы да читтә калмады, ярышларда актив катнашты. 

Сегодня прошел районный спортивный праздник "Лыжня Татарстан-2020". В этом мерориятии не остался в стороне и принял участие коллектив детского сада "Ляйсан".

     "Сәламәт Ләйсән" проекты кысаларында бакчабызның мәктәпкә әзерлек төркеме балаларын Фаттахов Расил Кирамович шахмат уйнау серләренә шөшендерә. Буген балаларыбыз шахмат тактасы, фигуралары, аларның тезелү тәртибе белән таныштылар. Әлеге чара балаларыбызда шахмат уенына карата зур кызыксыну уятты.

      Бу атнада да бакчабызның зурлар төркемендә  эшләп  килүче  "Гаилә һәм балалар бакчасының бердәмлеге" исеме астында  проект үз эшчәнлеген дәвам итте. Төркемдә тәрбияләнүче Рүзәл Халиуллинның әнисе Венера Василовна балаларга җиләк-җимешләр һәм аларда булган витаминнарның файдасы турында сөйләде, соңыннан балалар белән бергә җиләк-җимеш салаты ясап, сыйландылар.  Балаларга әлеге очрашу бик ошады. 

     "Ләйсән" балалар бакчасының зурлар төркемендә тәрбияләнүче  Салихова Ралина "Беренче адымнар" яшь башкаручылар Республикакүләм бәйгесендә җыр номинациясендә  беренче дәрәҗә дипломга ия булды! Ралинаны һәм музыка җитәкчесе Заянова Лилия Рафисовнаны уңышлары белән котлыйбыз.

    Кыш көне безнең канатлы дусларыбызга ризык  табу кыенлаша. Агачларда калган миләш,балан, вак алма җимешләре запасы беткәч, азык табу көннән-көн авырлаша.Тик без кошларны онытмыйбыз, аларга җимлекләр элеп, ярма бөртекләре сибеп тәрбиялибез. Безнең "Ләйсән" балалар бакчасында тәрбияләнүче  балалар бу эшкә җитди карыйлар, һәрдаим  җимлекләрне чистартып көн саен ярма, ипи валчыклары сибәләр, нинди кошлар килүен күзәтәләр. Бүген дә без балалар белән агач ботакларына җимлекләр элеп куйдык.

     1 февраль көнне  Мөслимнең универсаль cпорт залында Мөслим муниципаль районы предприятияләре һәм авыл җирлекләре арасында XXX кышкы спартакиаданың рәсми ачу тантанасы булды. Беренче уен көне хатын-кызлар арасында волейбол ярышы үткәрелде. “Ләйсән” балалар бакчасы коллективы өченче урынга лаек булды. Чын күңелдән котлыйбыз, алдагы төрләрдә дә уңышлы чыгышлар ясарга язсын!

    Бакчабызның зурлар төркемендә  "Гаилә һәм балалар бакчасының бердәмлеге" исеме астында  зур күләмле проект эшли башлады. Бу атнада балаларыбызга әти-әниләренең һөнәрләре белән танышты. Шул максаттан полиция хезмәткәре, зурлар төркемендә тәрбияләнүче баланың әтисе Шакиров Илмир Насихович "Юлда йөрсәң уяу бул" темасына әңгәмә уздырды, юл билгеләрен аәлатып үтте.

    "Ләйсән" балалар бакчасының зурлар төркемендә тәрбияләнүче  Салихова Ралина "Беренче адымнар" Республикакүләм бәйгесендә катнаша. Ралинага әлеге бәйгедә  иҗади унышлар теләп калабыз!

     "Ләйсән" балалар бакчасынының мәктәпкә әзерлек төркемендә балаларны мәктәпкә әзерләү буенча зур эш алып барыла. Кулларны язарга өйрәтү, логик мәсьәләләр чишү белән беррәттән авазлар белән танышу эшен дә балалар яратып эшлиләр. Грамотага өйрәтү эшчәнлегендә тартык һәм сузык авазларна аерырга, авазларны кушып укырга өйрәнәбез.