Мәктәпкә әзерлек төркемендә "Кышкы пейзаж" темасына рәсем эшчәнлеге. Балаларга рәсемнең композициясен уйлап табарга өйрәтү; балаларның "пейзаж" рәсем жанры турындагы белемнәрен ныгыту . Карны сурәтләүнең төрле ысулларын ныгыту.

Уртанчылар төркеме балалары ел фасыллары белән танышуны дәвам итәләр. Азык-төлек пленкасына кыш рәсеме ясыйлар.

Мәктәпкә әзерлек төкемендә әти-әниләр белән бердәм эшчәнлек. Ивановлар гаиләсе бүлмәбезне Яңа елга бизәүдә актив катнаштылар, Светлана Иванова тәрәзәләргә матур рәсемнәр ясады. Юрий Иванов бүлмәдәге какшаган мебельләрне ныгытты. Бик зур рәхмәтебезне җиткерәбез аларга.

6 нчы декабрь көнне бакчабызда Сарман hәм Мөслим районнары Юл куркынычсызлыгы бүлеге җитәкчесе Ситдикова Алсу Разиновна катнашында "Онытма, бала - төп пассажир! "дигән темага гомуми ата-аналар җыелышы үтте. Җыелышта мәктәпкә әзерлек төркеме агитбригада командасы да матур чыгыш ясады.

Икенче кечкенәләр төркемендә "Пирамида" темасына кисеп-ябыштыру эшчәнлеге. Шөгыль барышында балаларны уенчык образын тапшырырга, берничә өлештән торган предметны сурәтләргә, детальләрне зурдан кимү тәртибендә урнаштырырга өйрәтү эше алып барыла.

Уен ярдәмендә балаларда  зирәклек, оешканлык, коллективта үзеңне тота белү, җитезлек кебек матур сыйфатлар тәрбияләнә. Уен - ул бала эшчәнлегенең, тормышының аерылгысыз өлеше. Уеннар, бер яктан, физик тәрбия чарасы булса, икенчедән, күп кенә уеннар эстетик тойгылар тәрбияләүгә зур ярдәм итә. Физик активлык, балаларда җитезлек, өлгерлек, кыюлык сыйфатлары тәрбияләү белән беррәттән, нәниләрнең игътибарын арттыруга, хәтерләрен үстерүгә дә булышлык итә. Уен вакытында баланың күңеле күтәренке, көр була, һәм бу халәт аның нерв системасына да уңай йогынты ясый.

Балаларга җансыз табигатьне реаль аңларга өйрәтү. Ел вакытларын искә төшерү, кыш турындагы белемнәрен ныгыту. Табигатькә сакчыл караш тәрбияләү,  кошларга ярдәм итү теләге булдыру. Җитезлекне камилләштерү, игътибарлылык тәрбияләү, сигнал буенча хәрәкәт итәргә өйрәтүне дәвам итү.

 Әлеге чаралар балаларны мөстәкыйль рәвештә үз сәламәтлекләрен кайгыртырга өйрәтүне, үз-үзләренә ярдәм күрсәтү күнекмәләрен ныгытуны күз аллый.

Балаларның сөйләмен үстерү өстендә эш, мәкальләрнең эчтәлекләрен аңларга чакыру.

Физик күнегүләр һәм үз-үзләренә массаж ясауга кызыксыну тудыру.

Бүген бакчабызда "Давай дружить,дорога!" дип исемләнгән конкурс үтте. Әлеге чараның бурычлары: 

җәяүлеләр өчен булган кагыйдәләрне искә төшерү һәм ныгыту;

– юл билгеләрен төрләре буенча танып белүне ныгыту һәм камилләштерү;

– балаларда игътибарлылык, күзәтүчәнлелек тәрбияләү;

– урамда, борылышларда, машина хәрәкәте урыннарында үз-үзеңне дөрес тоту күнекмәләрен ныгыту;

– фикеләү сәләтен үстерү;

– светофорның әһәмиятен искә төшерү.