13 ноябрь көнне 9,11 класс укучыларының ата-аналары өчен " 2016 елда ДЙА  нәтиҗәләрен күтәрү" темасына җыелыш узды. Җыелышта имтиханнарга әзерлек мәсьәләсе каралды. Укытучылар рус теле, математика фәннәреннән сынап карау тестларының нәтиҗәләре белән таныштырдылар, имтиханнарны уңышлы бирү өчен, алга бурычлар куйдылар.

13 ноябрь көнне 1-4 класс укучылары Гиздатуллина А., Насыбуллин А., Холбутаева Д. (укытучылары: Мухамадиева А.Ф.,Мәүләветдинова И.Р.,Шәймәрдәнова Р.Г.) "Бәхетле балачак"  шигырь сөйләүчеләр конкурсында чыгыш ясадылар, сертификат һәм бүләккә ия булдылар. Котлыйбыз, уңышлар телибез!

7-10 сыйныф укучылары арасында оештырылган һөнәрләр турындагы "Киләчәккә билет" республика иншалар конкурсының муниципаль  этабында А. Җәлилованың иҗат эше беренче урынга лаек булды. Җитәкчесе татар теле һәм әдәбияты укытучысы Хәкимова Гөлнара Шәриповна. Алсуның эше  конкурсның республика этабында катнашачак.Уңышлар телибез!
 

Безнең ата- бабаларыбыз Сөмбеләне уңыш җыеп алу ае итеп кенә түгел, ә шул айның иясе һәм уңыш -- уңдырышлылык алиһәсе итеп тә күз алдына китергәннәр.Һәм ул, гадәттә, өлгергән башаклар һәм  иген басуы төсендәге алтын – сары  толымлы, “сөмбел”  чәчле кыз кыяфәтендә  күзалланган. Көзге муллык – туклык чорына туры килгәнгә күрә дә, халык “Сөмбелә” бәйрәмен аеруча көр күңел белән  үткәрә торган булган. Һәр өйдә бу көнгә яңа уңыштан төрле камыр ашлары әзерләнгән, йола ризыгы  һәм  муллык билгесе булган  бавырсак пешерелгән. “Сөмбелә” бәйрәме  өйләрдән урамнарга чыккан.Авыл халкы бер матур кызны Сөмбелә итеп киендереп һәм аны уртага алып, мәйданда уен – тамаша оештырган: биегән, җырлаган, күңел ачкан. Уенда катнашучы кызлар тәкыя үреп, Сөмбеләнең башына кидерткәннәр.

Безнең мәктәп укучылары да бәйрәмне күңелле итеп уздырдылар.Төрле ярышларда көч сынаштылар, конкурсларда катнаштылар. Бәйрәм концерт номерлары белән үрелеп барды. ,

Ученица 9 класса Муллакаева Гульгена 28 октября после отборочного тура приняла участие на «Межрегиональной научно-практической конференции и чтениях школьников на языках народов Российской Федерации», организованной Министерством образования и науки РТ, Ассамблеей народов Татарстана, Домом Дружбы народов Татарстана, и получила Диплом. Руководитель работы - учитель русского языка и литературы Гайсина Р.З.

Бүген 4,6,8 класс укучылары татар теленнән тест башкардылар.

КФУ ның Л.Толстой исемендәге Филология һәм мәдәниятара багланышлар институтында "Телләрне һәм мәдәниятләрне саклау һәм үстерү" IV Халыкара форумы кысаларында VIII Бөтенроссия "Илһамлы каләм" әдәби әсәрләр конкурсы үткәрелде.  Фәррахова Г. "Иң яхшы публицистик әсәр" номинациясендә  I урынга лаек булды. Җитәкчесе Хәкимова Гөлнара Шәриповна. Котлыйбыз!

16 нчы октябрьдә татар теле һәм әдәбияты укытучылары Хәкимова Г.Ш. һәм Шамсова Р.Д. КФУ да үткәрелгән татар теле укытучыларының “Техник һәм табигый фәннәр факультетларында татар телен укытуда заманча методларны куллану” исемле Республика вузара фәнни-методик семинарында катнаштылар.

16 нчы октябрь көнне КФУда әдәбият галиме М.Мәһдиевнең  85 еллыгы уңаеннан   "Мәһдиев укулары" исемле  укучылар һәм студентларның Бөтенроссия фәнни-гамәли конференциясе үткәрелде.  Фәррахова Г.  бу конференциядә катнашып, уңышлы чыгыш ясады. Җитәкчесе татар теле һәм әдәбияты укытучысы Хәкимова Гөлнара Шәриповна.