Уважаемые родители (законные представители) будущих первоклассников! Прием документов в МБОУ «Нижнечершилинская основная общеобразовательная школа» Лениногорского муниципального района РТ начинается с 1 апреля 2024 года. Проводится набор детей, имеющих регистрацию и проживающих на территории Нижнечершилинского, Верхнечершилинского и Мордва Ивановского сельского поселения.

Запись в первый класс проводится:

Понедельник - пятница с 8.00 ч. до 17.00 ч.

Суббота с 8.00 ч. до 12.00 ч.

телефон для справок: 8(85595)3-95-35

Түбән Чыршылы мәктәбендә аттестат бирү тантанасы булды. 9 нчы сыйныфны тәмамлаган 6 укучыбыз авыр сынауларны үтеп, кулларына өлгергәнлек аттестатлары алды. Быел мәктәп өчен уңышлар шатландырырлык булды: ике укучыбыз кызыл аттестат алды. Алар барлык бәйге - ярышларда да беренче, укуда да сынатмадылар, ышанычны акладылар. Әлбәттә, бу көнне дә җылы сүзләр, үтемле теләкләр яңгырады. Укучылар, әти- әниләр дә укытчыларга олы рәхмәт әйтеп, эшләрендә сабырлык, уңышлар теләделәр.
Кадерле укучылар! Без, укытучылар, сезгә изге теләкләр генә юллыйбыз. Тормышны яратыгыз, алган белемнәрегезне урынлы кулланыгыз, яхшы иптәшләр юлдаш булсын, хыялларыгыз чынга ашып, яраткан һөнәрегезне табарга язсын.

 По указанным телефонам можно получить квалифицированную анонимную, экстренную, консультационно-психологическую помощь, в том числе в случаях жестокого обращения и насилия в отношении детей, включая случаи сексуального насилия как в семье, так и вне её. Единый телефонный номер «Детский телефон доверия». Воспользоваться телефоном доверия могут дети и взрослые, проживающие в населенных пунктах Республики Татарстан. Звонок является анонимным и бесплатным как со стационарных, так и с мобильных телефонов.   

     14 май көнне, шәһәр мәгариф бинасында төрле дәрәҗәдәге олимпиадада алдынгы урыннар алган укучыларны,аларның әти- әниләрен, әзерләүче укытучыларны тантаналы котлау чарасы булды. Тантанага килгән кунакларны мәгариф бүлеге җитәкчесе Вагиз Самиуллович котлап Рәхмәт  хаты тапшырды, матур теләкләр юллады. Әлбәттә, быелгы уку елы бик уңышлы булган. 
      Бу истәлекле чарада безнең мәктәптән 4 сыйныф укучысы Гилязова Илсия һәм туган тел укытучысы Алсу Вил кызы да катнашты. Илсиябез мәктәп, район олимпиадасында җиңеп, Республика олимпиадасында да сынатмады, призер булды. Без аның уңышларына шатланабыз һәм яңа җиңүләр телибез. 
       Бу истәлекле көн барысының да күңелендә озак сакланыр, чөнки син яулаган җиңү- уртак җиңү, уңышларың белән уртаклашу, киләчәккә илһам алу. Шулай ук, кунаклар алдында күңелле биюләр, дәртле җырлар, мактау сүзләре җиткерүче алып баручыларның чыгышлары да тантанага ямь өстәде.

Кадерле Бөек Ватан сугышы ветераннары һәм тыл хезмәтчәннәре!
Бөек Җиңү көне уңаеннан, иң җылы теләкләрне кабул итеп алыгыз. Бу бәйрәм һәрберебез өчен бик кадерле. Һәр кеше күңелендә ул хәтер, дан һәм милли горурлык билгесе булып саклана. 9 Май - Ватаныбызга тугрылык саклап, илебезне фашизмнан саклап калганнарны искә алу көне. Бу көнне без Бөек Ватан сугышы ветераннарын, фронт һәм тыл хезмәтчәннәрен, полкташларны, сугыш кырларында геройларча көрәшеп, җиңүне якынайткан һәркемне искә алабыз. Безгә Җиңү бүләк иткәнегез өчен сезгә, кадерле ветераннар, зур рәхмәт. Сезнең батырлык безнең күңелләрдә генә түгел, ә балалар һәм оныклар күңелендә дә мәңге сакланыр!
Җиңү көне күңелләрегездә якты бәйрәм, батырлык һәм кыюлык үрнәге булып саклансын. Бөек Ватан сугышы елларындагы батырлыгыгыз алдында баш иябез. Һәрбарчагызга тыныч тормыш, бәхетле картлык, сәламәтлек һәм якты өметләр телибез!

7 май көнне, Бөек Җиңү бәйрәме һәм обелиск ачу уңаеннан, Югары Чыршылы авылында митинг узды. Бу чарада Түбән Чыршылы мәктәбенең 8 сыйныф һәм шушы авылда яшәүче укучыларыбыз катнашты. Алар авыр сугыш елларында батырлык күрсәткән сугыш һәм тыл ветераннарына нәфис сүз, моңлы җырлар бүләк иттеләр. Килгән кунаклар укучыларның чыгышларын җылы кабул итеп, матур теләкләр теләделәр.

Бөек Җиңү бәйрәме якынлашуга шәһәр һәм районнарда митинглар башлана. Шушы уңайдан Түбән Чыршылы мәктәбендә күркәм чара узды. Бу чарага Лениногорск шәһәре башлыгы урынбасары Михайлова Зөлфия Габделхәмәт кызы, авыл советы рәисе Нурия Яхъя кызы, ветераннар советы рәисе Рәисә Гасим кызы, авылдаш абый-апалар да килде. Кызганыч, сугыш ветераннары берсе дә юк инде. Алар истәлегенә бер минут тынлык игълан итеп, бәйрәмебез башланып китте. Килгән кунаклар барысы да сугыш күрсәткән авырлыклар, җиңүне якынайткан батырлыклар турында сөйләделәр. Шулай ук, укучылар үз чыгышларында ялкынлы җырлар, сугыш, тыл ветераннары турында онытылмас шигырьләр, рәхмәт сүзләре юлладылар, үзләре ясаган чәчәкләрне килгән кунакларга бүләк иттеләр. Бәйрәмне тәмамлап, мәктәп җитәкчесе Гөлия Камил кызы килгән кунакларга рәхмәт белдерде, ә укучыларга үткәннәрне онытмаска, тырышып укырга, авылның патриотлары булып үсүләрен теләде. Соңыннан барлык катнашучылар белән берлектә, Җиңү аллеясында сугыш кырларында башларын салган авылдашларга хөрмәт йөзеннән веноклар куелды. Бөек Җиңүгә 79 ел булса да, ул онытылмый, һәр гаилә сугыш хатирәсен саклый, мәрмәр ташларда уеп язылган исемнәр онытырга ирек бирми. Хәзерге вакытта барган хәрби операциядән сугышчыларның да тиз көннәрдә җиңү яулап, гаиләләренә кайтуларын телибез. Ил- көннәребез тыныч, күгебез аяз, гаиләләр бәхетле булсын.