14 нче гыйнвардан мәкәтбебездә физика һәм информатика атналыгы башланып китте. Атналык кысаларында төрле кызыклы чаралар үтә.

Мәктәбебезнең яшь тимераякчылары уңышларга ирешүне дәвам итәләр.Каникулларны файдалы һәм уңышлы уздыралар.Тренерлары Фрат Гаделша улы белән Чабаксар шәһәрендә уздырылган ярышларда катнашып призлы урыннар алып кайттылар.Үз яшьтәшләре арасында Мадаминова Асия һәм Билалиев Айнур 2, Билалиев  Айназ 3 нче урынга лаек булганнар.Алга таба тагын да зур уңышларга ирешүләрен теләп калабыз.

9 сыйныф укучылары каникулларны файдалы итеп уздыралар.Алар ОГЭ га әзерлек эшен туктатмады,консультацияләргә график буенча йөриләр.Ныклы әзерлек эшләре алып барганда гына нәтиҗәләр куандырырлык булуын аңлыйлар.

"ФДБС шартларында метапредмет нәтиҗәлрә ирешү юллары" темасына чираттагы педагогик киңәшмә булыап узды. Хәмидуллина А.И. шушы темага үз предметы мисалында (тарих һәм җәмгыять белеме) чыгыш ясады.1 яртыеллыккка һәм 2 чиреккә нәтиҗәләр ясалды.Контроль эш йомгаклары белән таныштырылды.

"Шаян ТВ" балалар каналы ноябрьдә эфирга чыкты. "Шаян ТВ" каналында 20дән артык тапшыру эшли. 6 сәгатьлек блокның 1 сәгать 45 минуты телеканал җитештергән продукт, 4 сәгать 15 минуты тәрҗемә контенты. Шулай ук әлеге балалар каналының Shayantv.ru сайты да эшләп килә.

Һәр елны районыбызда "Иң яхшы бизәлгән мәгариф учреждениесе" конкурсы игълан ителә. Һәр мәктәп тырышып әзерләнә, кардан,боздан төрле фигуралар ясый, матур утлар белән балкыта. Шул уңайдан бу конкурска безнең мәктәп тә тырышып әзерләнде.Менә икенче ел рәттән мәктәбебез алдынгылар рәтендә.Котлыйбыз! Киләсе елларда да уңышлар булып торсын дигән теләктә калабыз!

"Салават күпере" спорт комплексында бүген район мәктәпләрендә белем алучы уку алдынгылары, спорт ярышларында, бәйге-олимпиадаларда актив катнашучы укучылар район башлыгының Чыршы бәйрәменә җыелды.Кайбыч муниципаль районы башлыгы Альберт Илгизәр улы Рахматуллин балаларны якынлашып килүче Яңа ел бәйрәме белән котлады, Яңа елда уңышлар, яңа мөмкинлекләр һәм казанышлар, сәламәтлек, тынычлык һәм бәхет теләде. Мәгариф бүлеге җитәкчесе Илмас Илдар улы Хәмидуллин Бөтенроссия олимпиадалырының муниципаль этап җиңүчеләренә грамоталар һәм кыйммәтле бүләкләр тапшырды. Чыршы бәйрәменә килгән һәр укучы әкият-тамаша карап, татлы тәм-томнар белән сыйланып, район башлыгының Яңа ел күчтәнәчен дә алды .