Бүген лагерь гадәттәгечә иртәнге зарядкадан һәм флаг күтәрүдән башланды.Укучыларның яллары җанлы үтә. Көн дәвамында төрле чаралар уза. Бүген тәрбиячеләр ял итүчеләр белән  табышмаклар кичәсе һәм күңелле стартлар үткәрделәр.  

Бүген  лагерьда балалар шагыйре Мөҗәһитнең “Баллы җәй” китабын тәкъдир итү булды. Бу чараны лагерь тәрбиячеләре белән берлектә авыл китапханәчесе Сафиуллина Гөлия үткәрде. Презентация бик кызыклы төзелгән. Бал корты Нечкәбил белән таныштырып барды.

Кошман- умартачылар авылы. “Баллы бабай”-аксакал Харис абый, Альберт, Хәмзә, Илдар, Илшат, Искәндәр абыйлары турында да мәгълүмат бирелде. 

Шул уңайдан лагерьда ял итүчеләр Россия Гимнын башкардылар, алар белән  Россия дәүләтенең символлары турында әңгәмә үткәрелде, презентация күрсәтелде.  Әңгәмәдән соң укучылар Туган илебез турында рәсемнәр ясадылар

“Кояшкай ” ял лагеры үзенең эшен дәвам итә. Балалар көнаралаш бассейнга барып ял итәләр: йөзәләр, уйныйлар, үзләрен  суда тоту күнекмәләрен ныгыталар. Бүген дә укучыларыбыз бик рәхәтләнеп ял итеп кайттылар.

Ра­йон ху­җа­лык­ла­рын­да яф­ра­ка­зык әзер­ләү ба­ра. Бу эш­тә алар­га, элек­тән кил­гән га­дәт бу­ен­ча, оеш­ма­лар, уч­реж­де­ни­е­ләр дә яр­дәм­гә ки­лә.Яфраказык җыюда мәктәбебез коллективы шулай ук ел саен  катнаша. Быел да бу эш оешкан төстә башкарылды. Коллективка билгеләнгән норма тиешенчә үтәлде.

 Кошман авылында традиция буенча быел да шаулап-гөрләп узды бу бәйрәм. Бәйрәмне уздыруда мәктәп коллективы да читтә калмады. Укытучыларыбыз  уеннар оештырдылар, пешекчеләребез кунакларны сыйлады,  ә шофёрыбыз көне буе машинада кирәкле җиһазларны ташыды. Укучыларыбыз бик теләп уеннарда катнаштылар. Физкультура укытучысы Гатауллин Динар районның да  һәм Кошман Сабан туеның да батыры булуы-безнең өчен зур шатлык. Без синең белән горурланабыз, Динар.

1 июньнән мәктәптә “Кояшкай” җәйге сәламәтләндерү лагеры эшли башлады. Укучылар лагерьга бик теләп йөриләр. Бигрәк тә аларга табигатькә төрле экскурсияләр һәм бассейнга бару бик ошый. 

1 июнь – Халыкара балаларны яклау көне уңаеннан Олы Кайбычта яшеллеккә төренеп утырган мәйданда мәктәпләрнең балалар оешмалары активистлары слеты һәм балалар Сабантуе уздыру матур гадәткә әверелде. Быел ул Бөек Җиңүнең 70 еллыгына багышлап үткәрелде.

Җәйнең тәүге көне күңелләргә җылылык, яктылык, мәрхәмәтлелек өстәүче бәйрәм – Балаларны яклау көне буларак истә кала. Аны 1950 елдан башлап Җир шарының һәр почмагында үткәрәләр. Бу бәйрәмдә безнең мәктәп укучылары да бик теләп катнаша.

Былгы слётта “Җиңү җыры” республика конкурсында призлы урынны яулаган өчен 9 нчы сыйныф укучысы Гарифуллина Чулпан һәм аның җитәкчесе Сайранова Резедә тагын бер кат бүләкләнделәр. Афәрин!

Бүген 2014-2015 нче уку елын тәмамлау буенча йомгаклау линейкасы булды. Линейкада укучылар тәҗрибә кишәрлегендәге   эш графигы, мәктәпнең җәйге каникулларга эш планы, инструктажлар белән  таныштылар. Район буенча конкурсларда җиңүчеләргә, активистларга Грамоталар тапшырылды. Күңелле, һәм файдалы яллар сезгә, укучылар. Яңа уку елында сау-сәламәт килеш күрешергә насыйп булсын!