Киләчәген журналистика белән бәйләргә теләүче Чулпан ГАРИФУЛЛИНА 23 июньнән 29 июньгә кадәр "АЛТЫН КАЛӘМ" фестивалендә булды. Аның быелгысы Бөек Җиңүнең 70 еллыгына, фестивальнең 20 еллыгына да багышланган иде. Әлеге фестиваль журналистика дөньясына алып керүче зур күпер булып санала. Ул "ВОЛГА" Яшьләр Үзәгендә үтте. Аны тантаналы төстә ачу тантанасында Татарстан Журналистлар берлеге рәисе Римма Ратникова, күренекле журналистлар, төрле министрлыклар вәкилләре катнашты. Фестивальнең беренче көнендә үк Казан федераль универститетының журналистика факультеты мөдире Светлана Шәйхетдинова укучылар белән мастер класс үткәрелде. Укучылар анда газета чыгару серләренә төшенде, үзләре дә мәкаләләр язып, газеталар чыгарды. Фестивальдә 7 төрле төркем эшләде: рус, татар матбугаты;ТВ;радио;дизайн;PR;фото. Чулпан - татар матбугатында. 7 көннән соң нәтиҗәләр билгеле булды: “Алтын каләм“ балалар, яшүсмерләр һәм яшьләр матбугатының XX республика фестиваленнән җиңү белән әйләнеп кайтты. Ул "Татар телендә иң яхшы публикация" номинациясендә 2 нче урынга лаек булды һәм диплом белән бүләкләнде. Котлыйбыз һәм синең белән горурланабыз, Чулпан. Алга таба да зур иҗади уңышлар телибез!

 Мәктәп еллары һәр кешенең тормышында иң истәлекле, иң кадерле, иң бәхетле еллар булып истә кала. Балалары өчен янып- көеп йөрүче, аларны ялгышлардан саклаучы, шатлык – борчуларын бүлешеп яшәүче әти –әниләр һәм якты кояш кебек, күңелләрне назлап җылыткан, авыр чакта ярдәм кулын сузган, сабыр сүзе белән юаткан укытучылар күңелендә дә якты эз, матур хатирләр калдыра ул.

Шулай итеп, бүген 9 нчыларыбызга өлгергәнлек аттестатын тапшыру тантанасы бик матур узып китте

Канат ярган әни кошлар сыман

Талпынасыз очып китәргә.

Яшьтән күңелегезне җилкендергән

Хыялларны чынлык итәргә.

Аерыласыз сөйгән мәктәп белән

Гомерегезнең алсу таңында.

Хәерле юл теләп озатабыз

Саф чәчәктәй тормыш язына.

22 июнь – Россия тарихындагы иң кайгылы көннәрнең берсе — Бөек Ватан сугышы башланган көн.Бүген бер төркем укучылар һәйкәл янына килделәр. Алар сугышта һәлак булганнар хөрмәтенә чәчәкләр куйдылар.

"Кояшкай"ял лагере бүген үзенең эшен тәмамлады. Йомгаклау линейкасында һәр ял итүчегә бүләкләр тапшырылды, активистлар билгеләп үтелде. Флаг төшерелгәннән соң укучылар лагерь беләнхушлашып өйләренә таралыштылар. Сентябрьгә күрешкәнгә кадәр, яраткан укучыларыбыз.

Укучыларыбызның  бүгенге  көне дә лагерьда бик кызыклы үтте. Алар билгеләнгән маршрут буенча тырышып-тырышып “хәзинә” эзләделәр. Һәр укучының хәзинә табасы килде. Шулай да Сабиров Инсаф, Насретдинов Алмаз иң күп хәзинә иясләре булдылар

Бүген ял итүчеләребез Галия Кайбицкая музеенда булдылар. Ә аннары бассейнда рәхәтләнеп ял иттеләр.

Лагерьда ял итүчеләр бүген Казан шәһәренә экскурсиягә бардылар. Алар  Юдинода урнашкан балалар тимер юл станциясендә булып, тимер юлдан поездда сәяхәт иттеләр. Соңыннан Казан зооботаника бакчасында төрле үсемлекләр, хайваннар, кош-кортлар карадылар. 

Лагерьда ял итүчеләрне бүген Резидә апалары Аныс тавына җиләк җыярга алып барды. Укучылар табигать җимешләре белән сыйландылар, рәхәтләнеп уеннар уйнадылар. 

Республикада “Наркотикларсыз тормыш ” айлыгы бара. Бүген балалар фельдшер-акушерлык пунктына экскурсиягә  бардылар. Сәламәт тормыш рәвеше һәм сәламәтлекне саклау турында лагерьда тәрбияләнүчеләргә бүген фельдшерлар Шәрәфиева Рузилә һәм Әхмәтов Ирек сөйләделәр. 

Продолжается движение "Вместе с президентом"Воспитанники пришкольного лагеря путешествовали по тематическим маршрутам интерактивно-игровой программы. Выпустили стенгазету «Луч доброго слова».