28 нче ноябрь көнне безнең балалар бакчасы тәрбиячесе Насретдинова  Диләрә Марат кызы “Россия тәрбиячеләре: Мәктәпкәчә белем бирү өлкәсен цифрлы трансформацияләү кысаларында Гаилә һәм балалар бакчасы кыйммәтләренең һәм мәгънәләренең дәвамлылыгы” Бөтенроссия форумында катнашты.

Әнием иң назлы, яратучан, игелекле, бөтен дөньяда бердәнбер.  Балалар бакчасында Әниләр көнен бәйрәм итү инде яхшы традициягә әверелде, аның төп максаты-мәктәпкәчә яшьтәге балаларда анага карата ярату һәм хөрмәт тәрбияләү, балаларның иҗади сәләтләрен үстерү һәм бәйрәмнең уңайлы, өй атмосферасын булдыру. Бу бәйрәмгә беркем дә битараф кала алмый. Нәкъ менә шуңа күрә «Тиенкәй» балалар бакчасында Әниләр көненә бөтен бала да ныклап әзерләнде. Балалар үз куллары белән әниләренә бүләкләр әзерләделәр. Алар яраткан әниләрен күңелгә үтеп керерлек шигырьләре белән котладылар, назлы һәм игелекле җырлар җырладылар, күңелле биюләр башкардылар. Ә әниләр яраткан кызларына һәм улларына төрле Шатлык конкурсларында бик теләп катнаштылар. Бәйрәмгә килгән барлык әниләр дә  яктылык, мәхәббәт, бәхет һәм Наз яктысы белән балкып тордылар.

Бүген Кошман “Тиенкәй” балалар бакчасында Әниләр көненә багышланган Әниләр бәйрәме булып үтте. Балалар бәйрәмгә тырышып әзерләнгәннәр. Алар әниләрен, әбиләрен матур җырлары, шигырьләре һәм биюләре белән шатландырдылар.

Психология атналыгы кысаларында балалар бакчасында «Минем кәефем» акциясе узды. Әлеге акциядә балалар һәм ата-аналар катнашты. Акция барышында балалар әти-әниләре белән бергә аларның кәефләрен чагылдырган төсләрне карадылар һәм сайладылар. Әлеге акциянең төп максаты-үзеңә, үз кәефеңне аңлауга кызыксыну уяту, шулай ук балаларның һәм ата-аналарның эмоциональ халәтен диагностикалау. Акция зур кызыксыну уятты. Барысы да теләп, рәхәтләнеп катнаштылар һәм яхшы кәефләре белән уртаклаштылар. Барлык балаларыбыз, әти-әниләребез сау сәламәт булсыннар. Бакчабызга куанышып йөрергә насыйп булсын.

"Психология атналыгын" дәвам итеп зурлар төркемендә "Үтә күренмәле мольберт кулланып Арт – терапия" мастер - классы.
Кәгазьдә рәсем ясаудан аермалы буларак, пыяла яңа визуаль тәэсирләр һәм тактиль тойгылар бүләк итә. Балаларны рәсем ясау процессы үзе эләктереп ала: гуашь йомшак кына шуа, аны кул һәм бармаклар белән дә сылап була, чөнки ул өслек материалына сеңми. Бала әйтерсең рәсем ясамый, ә рәсем ясарга күнеккән, һәм димәк, хаталарга һәм төзәтүләргә хокуклы.   Педагог- психолог Диләрә Марат кызы.

"Психология атналыгы" кысаларында ,"Тиенкәй " балалар бакчасында "Куркынычсызлык иленә сәяхәт" дигән тематик шөгыль узды. Тәрбияләнүчеләр төрле ситуацияләрдә үз-үзеңне куркынычсызлык тоту кагыйдәләрен ныгыттылар, хис-кичерешләрнең кешеләр өчен мөһим булуын белделәр.(педагог-психолог Насрутдинова Д.М.)

Уеннар кешегә яшәве күңеллерәк  булсын өчен кирәк дияргә мөмкин. Балага җитез, өлгер, зирәк булып үсү өчен төрле характердагы уеннарның әһәмияте бик зур. Яшь буын тормышның төрле җайсызлыкларына бирешмәскә, уңайсызлыкларыннан җебеп төшмәскә тиеш дибез. Ә моңа яшьтән үк балаларның төрле уеннарда катнашуы аша ирешергә мөмкин. Халык уеннары – җитезлеккә, көчкә, зирәклеккә сынау ул. Аларда халыкның гасырлар буена тупланган традицияләре буыннан-буынга бирелә. Халык уеннары hәрвакыт актуаль, чөнки алар үткәннәр аша кешенең киләчәгенә юнәлдерелә. Уеннар баланың шәхес буларак төрле яклап үсүен тәэмин итә, моның өчен шартлар тудыра. Татар халык уеннарының күбесе җырлар белән бергә башкарыла. Аларга моң, төгәл ритмика, отып калуда да җиңеллелек хас. Педагог-психолог Диләрә Марат кызы, музыка җитәкчесе Айгөл Сәлимулла кызы, тәрбияче Светлана Гарик кызы белән берлектә бакчабызда җырлы- биюле уеннар уйнадык. Көнебез бик күңелле узды.

11 ноябрь көнне Яшел Үзән шәһәренең 6 нчы "Улыбка" балалар бакчасында, педагоглар өчен "Беренчеләр хәрәкәте " зона семинар-практикумы узды.Бу семинарда Тәрбиячебез Насретдинова Диләрә Маратовна катнашты

Без бүген балалар  белән көзге табигатьнең матурлыгына соклана белү, күзәтүчәнлекләрен үстерү  һәм кызыксыну хисе тәрбияләү максатыннан саф һавада булдык. Көзге табигатьне күзәттек, матур яфраклар җыйдык, күңелле уеннар уйнадык. Табигатьнең сары киемгә төренгән бу мизгелен күзәтү күңелләргә бер рәхәтлек тә, рухи байлык та бирде . Көзге табигать балаларның күңелендә зур тәэсир калдырды. (Тәрбияче Халикова С.Г.)

Балалар бакчасында Татарстан Конституциясе көне-үзенчәлекле вакыйга. Бу көнне балалар безнең Конституцияне гарантияли торган хокукларның һәм ирекләрнең әһәмияте турында белделәр.
Бу өлкәннәр өчен генә түгел, балалар өчен дә мөһим, чөнки алар җәмгыятьнең бер өлеше һәм аларның да үз фикерләре бар.
Зурлар төркеме балалары белән Светлана Гариковна Конституция көненә багышланган әңгәмә үткәрде, шигырьләр укыды, уеннар уйнадылар, Татарстан гимнын тыңладылар. Мондый әңгәмәләр балаларда үз илең өчен горурлык тәрбияли, ватанпәрвәрлек, Ватанга мәхәббәт, Татарстан тарихы белән кызыксыну уята.