25 нче декабрь көнне мәктәбебездә шаулап-гөрләп Яңа ел бәйрәмнәре узып китте. Ул башлангыч сыйныф укучыларының ёлка  бәйрәме белән башланды. Укучылар Кыш бабай белән Кар кызына бик матур җырлар, шигырьләр, күмәк биюләр әзерләгәннәр иде. Бәйрәмне карарга әти-әниләр дә килде. Балаларга Яңа ел күчтәнәчләре дә өләшенде. Бәйрәм бик күңелле үтте.

Кышкы каникуллар башланды. Укучыларга тормыш куркынычсызлыгы кагыйдәләрен, урамда, юлда, төрле җәмәгать урыннарында үз-үзеңне ничек тоту кагыйдәләрен исләренә төшереп класс сәгатьләре үткәрелде, гомуми линейкага җыелып сөйләштек, махсус журналларга куллар куйдырылды. Каникул көннәрен кызыклы да, файдалы да һәм куркынычсыз да  итеп үткәрү юллары турында аңлатылды. Балаларның исәнлеге, куркынычсызлыгы, иминлеге өчен әти-әниләрнең дә җаваплы икәнлекләре искәртелде. Имтиханнарга, олимпиадаларга әзерләнергә кирәклекне дә онытмаска кушылды.

Урта һәм югары сыйныф укучылары Яңа ел бәйрәмен тагын да дәртлерәк җырлар, биюләр, уеннар белән бизәделәр. Алар махсус программа буенча әзерләнгәннәр иде. Кыш бабай белән Кар кызын эзләп-табып бәйрәмгә алып килүләре турында видиоролик эшләп, сюрприз да күрсәттеләр. Яңа ел һәркемгә уңышлар, шатлыклар гына алып килсен.

Һәр елны традицион рәвештә мәктәптә лотерея уеннары оештырыла. Быел да бу уен читләтеп үтмәде. Укучылар бик матур бүләкләр оттылар. Ә төп сюрприз-бүләк - -әтәч Ильназга чыкты.

Юнармейцы изучают Конституцию РФ.

Кыш бабай белән Кар кызын каршылап, сыйныф бүлмәләрен бизәдек, матур-матур плакатлар ясадык,  ёлкалар бизәдек.

15 нче декабрьдә Түбән Наратбаш мәктәбе базасында милли көрәш буенча ярыш үткәрелде. Салават бу көрәштә икенче урынга лаек булды. Афәрин, Салават!

Мәктәбебездә Казан кооператив техникумы хезмәткәрләре булды. Алар 9, 10, 11 нче сыйныф укучылары белән очраштылар. Кооператив техникум, анда керү, уку, укыганнан соң ничек эшкә урнашу юллары белән таныштырдылар. Техникумнан соң институтына керү мөмкинлекләрен әйттеләр. Укучыларны үзләренә укырга чакырдылар.

12 нче декабрьдә “Ел укытучысы-2019”, “Иң яхшы татар теле укытучысы” бәйгеләренең муниципаль туры узды. Ул Түбән Наратбаш мәктәбе базасында булды. Аксу урта мәктәбеннән татар теле һәм әдәбияты укытучысы  Илсөяр Илдусовна катнашты. Конкурста ул Ә Фәйзинең “Аучы Мәргән һәм Болан кыз” әкияте буенча ачык дәрес һәм “Гыйбрәтле хикәяләрне дәресләрдә куллану” дигән темага мастер-класс күрсәтте.  Укытучыбыз бу сынауны да уңышлы узды һәм II турга үтте. Афәрин!