Г.Тукайның туган көне уңаеннан уздырылган “Театр сәнгатендә Г.Тукай эзләре” дигән чарада 1-2 нче сыйныф укучылары Г.Тукайның “Кызыклы шәкерт” шигырен сәхнәләштереп күрсәттеләр.

   3 нче сыйныф укучылары Г.Тукайның “Бала белән Күбәләк” шигырен бик матур итеп уйнадылар.

   4 нче сыйныф укучылары Г.Тукайның туган көненә бүләк итеп, аның “Эш беткәч уйнарга ярый” дигән шигырен зур осталык белән сәхнәләштереп күрсәттеләр.

 6 нчы сыйныф укучылары Г.Тукайның “Кәҗә белән Сарык” әкиятен сәхнәләштереп уйнадылар.

  7 нче сыйныф укучылары Г.Тукайның “Кояш илә Яңгыр” шигырен сәхнәләштерделәр.

8 нче сыйныф укучылары башкаруында Г.Тукайның “Пар ат” шигыренә язылган җыр  Г.Тукай туган көн бәйрәменә тагын да бер нур өстәде. 

9 нчы сыйныф укучылары Г.Тукайның атаклы “Таз” шигырен сәхнәләштерделәр.

   Аксуда кишер чәчәр вакыт җитте: көннәр җылынды, җир кипте, туфрак әзер. Укучылар да, өмә ясап, мәктәп бакчасына кишер чәчтеләр. Ашханәдә тукланыр өчен, яшелчәләрне шулай үзебез чәчеп үстерәбез без.

      Республикабызда тирә-якны чистарту икеайлыгы бара. Шуңа күрә без дә өмәгә чыктык. Мәктәп янын, бакчаларны чүп-чардан чистарттык, алмагач төпләрен йомшарттык. Тирә-ягыбыз чиста булгач, үзебезгә дә күңелле бит.

17 нче апрель  көнне “Ел укытучысы-2019”  кысаларында үткән төрле бәйгеләрдә җиңгән укытучыларны котлау тантанасы булды. Мәктәбебездән “Иң яхшы татар теле укытучысы” бәйгесенең район этабы җиңүчесе Губайдуллина И.И. Буа районы администарациясе җитәкчеләре тарафыннан мактау грамотасы белән бүләкләнде