Мамадыш районында “Мәктәпләрдә мини футбол” проекты кысаларында узган республика ярышында Салавыч күппрофильле лицее укучылары командасы 4нче урынга лаек булды. Укучыларыбызны һәм аларны зур тырышлык белән әзерләүче укытучыларыбыз – Әминов Рамиль Шамил улын һәм Латипов Рәсим Кадим улын зур җиңүләре белән котлыйбыз!

Химия,биология, география атналары кысаларында ачык дәресләр күрсәтелде!

Субаш мәктәбендә 26 нчы гыйнварь көнне география һәм биология фәннәреннән ачык дәресләрне 5,9 сыйныф укучылары белән Фаязов Ленар Әхмәт улы, Галиева Гөлчәчәк Рифкат кызы күрсәтте. Дәрес барышында укучыларның дәрескә кызыксынулы булулары күзләреннән, бирелгән сорауларга җавап бирүдән күренеп тора иде. Остазлар укучыларга күренекле шәхесләрнең тәҗрибәләрен тирәнтен аңлаттылар һәм лаборатор эш ярдәмендә белемнәрен тикшерделәр. Афәрин!

Казанда узган Бөтенрәсәй олимпиадасының региональ этабында физик тәрбия фәне буенча районыбыз тагын ике призлы урынга ия булды. Түбәндәге укучыларыбызны  һәм остазларыбызны зур уңышлары белән котлыйбыз:

Сосна төп мәктәбеннән  8нче сыйныф укучысы - Гөмәрова Зөһрә. Укытучысы – Габдрахманов Фәнил Сәлим улы.

Нөнәгәр урта мәктәбеннән 8нче сыйныф укучысы - Гөмәров Илгизәр. Укытучысы – Зарипов Фидаил Фәрит улы.

ФАП медицина хезмәткәрләре белән очрашу.

6-8 сыйныф укучы кызлары  белән Субаш җирлегендә урнашкан ФАП медицина хезмәткәрләренең очрашуы булып узды. Укучы кызларга шәхси гигиена кагыйдәләрен үтәү-сәламәтлекнең нигезе икәнен аңлату, шәхси гигиена предметларының нинди икәнен, аларны ничек кулланырга икәнлеге әйтелеп китте.   

Композитор Солтан Шигапов белән очрашу.

Сандугач, сандугач!..

Син китсәң , мин  калам,

Дусларыма җырлар өчен,

Җырыңны отып алам.

Балтач гимназиясе укытучылары ГТО нормаларын тапшыра Россия Президенты Указы нигезендә мәктәпләрдә ГТО нормаларын тапшыру кире әйләнеп кайтты. Бу чарада Балтач гимназиясе укытучылары ел саен бик теләп катнаша. Кышкы нормативларны тапшыруга әзерлек йөзеннән көзге нормативлар тагын бер кат бирелде. Укытучылар күтәрелү, урыннан ераклыкка сикерү, сыгылмалылык күнегүләрен кабатладылар. Бу спорт чарасы зур бәйрәмгә әверелде.

Әти-әниләр җыелышы.

18 нче январь көнне гимназиянең 6 нчы сыйныф әти-әниләре өчен “ПАВ профилактикасы” дигән темага җыелыш үткәрелде. Монда яшүсмерләр белән эшләүче инспекторлар Л.М.Фролова һәм Л.Ф. Низамиева чакырылган иде. Алар бүгенге көндә укучылар эшләгән төрле җинаятьләрне мисалга китереп, балаларны һәрдаим күзәтергә һәм бергәләп кызыклы, файдалы эшләр белән шөгыльләнергә кирәклеген аңлаттылар. Гаиләдәге тынычлыкны саклау турында да эчтәлекле фикерләр яңгырады. Җыелышка килгән һәр әти-әни үзенә кирәкле мәгълүмат алды.

Балтач гимназиясендә Россия киносы елына йомгак ясалды.

Рус теле атналыгында 5нче сыйныфлар өчен “Китаплардан кино туа” дигән чара үткәрәлде. Моның максаты – китапка кызыксыну уяту һәм Россия киносы елына йомгак ясау иде. Төрле әсәрләр буенча төшерелгән фильмнардан өзекләр белән бергә нәфис сүз яңгырады, яхшылык турында җырлар башкарылды, болар барысы да алкышларга күмелде.

Мәгариф идарәсе хәбәр итә. 27 гыйнварга мәгарифтәге яңалыклар. 

25 нче гыйнвар көнне Балтач гимназиясендә макулатура җыю буенча игълан ителгән конкурска йомгак ясалды.  3а,6в,9б сыйныфлары 1 нче урынга лаек булдылар. Иң актив укучы булып Гараева Әминә танылды. Җиңүчеләрне котлыйбыз.  Катнашуыгыз өчен зур рәхмәт