13 февраль көнне мәктәбебездә 8-11 нче сыйныфлар өчен Изге Вәли көненә багышланган бәйрәм кичәсе уздырылды. Бәйрәм кызыклы уеннарга, күңелле иҗади биремнәргә бай булды. Әлеге чара укучыларга да, укытучыларга да бик ошады. 

Мәктәбебездә хәрби-патриотик айлык дәвам итә. Җиңүнең 70 еллыгы уңаеннан, Карадуган гомуми урта мәктәбендә Муса Җәлил призына хоккей ярышлары уздырыла.

1-8 нче сыйныф укучылары арасында урманнарда  янгын куркынычсызлыгына каршы көрәшкә багышланган рәсем конкурсы үткәрелде. Иң матур, эчтәлекле эшләр “Лес боится огня” дип аталган балалар рәсем конкурсына җибәрелде.

Татарстан Республикасы мәгариф һәм фән министрлыгының  2014-2015  нче уку елына эш планы нигезендә,Бөек Ватан сугышында Җиңүнең 70 еллыгы, патриот шагыйрь Советлар Союзы Герое, Ленин премиясе лауреаты-Муса Җәлилнең тууына 109 ел тулу уңаеннан , шагыйрьнең иҗатын тирәнтен өйрәнү  максатыннан 2015 нче елның 17 нче февралендә Муса Җәлил исемендәге III республика фәнни-гамәли конференция үткәрелә.
    Конференция үткәрү урыны Балтач районы,  Карадуган урта гомуми белем мәктәбе.
 Башлану вакыты. 10.00 сәгатьтә. Теркәлү 9.00 дан 9.50 .
Хәбәрләшү өчен телефоннар 8(84368)32119,  8(84368)24195

7нче февраль көнне “Лыжня Карадуван - 2015” үтте. Балалар, укытучылар, әти-әниләр зур теләк белдереп катнаштылар. 139 укучы, 23 укытучы, 15  әти – әни катнашты. Әти –әниләр белән эстафета үткәрелде.

 7 февраль көнне авылыбызның эшмәкәрләре Хөсәеновлар  призына хоккей ярышлары узды. Елдан-ел бу ярышка күбрәк командалар катнаша. ПРизлы урыннарга акчалата премия бирелә. Егетләргә уңышлар теләп калабыз.

Тимурчылык эше дәвам итә. Укучыларыбыз дәресләрдән соң өлкәннәргә булышырга бик теләп баралар. Олыларга ярдәм кирәк булган һәр эшләрендә җиренә җиткереп булышалар: кар көрәү, өй җыештыру, су китерү һәм бүтән шундый эшләрне башкаралар.

Бүген мәктәбебездә Карадуган балалар бакчасының  булачак 1 нче сыйныф укучылары кунакта булды. Алар мәктәп һәм булачак класс  житәкчеләре белән таныштылар. Бүгенге 1 нче сыйныф укучылар һәм килгән балалар арасында "Күңелле стартлар"  уены оештырылды. Булачак 1 нче сыйныф балаларына мәктәп бик ошады. Аларга бик күңелле булды.

    Бөек Ватан сугышында Җиңүнең 70 еллыгына багышланган  Муса Җәлил исемендәге III  республика  фәнни-гамәли конференциясендә катнашучылар исемлеге  мәктәп сайтының конференция бүлегенә куелды.

Спорт айлыгы кысаларында мәктәбебездә 5 -11 нче сыйныфлар арасында бадминтон уены буенча ярышлар уздырылды. Әлеге спорт төре барлык укучыларда да зур кызыксыну уятты. Ярышлар бик күңелле үтте. Җиңүчеләр билгеләнде