8 май көнне Карадуган авыл клубында Бөек Ватан сугышында катнашкан әби-бабаларыбызны, авылдашларыбызны искә алу, хөрмәтләү максаты белән укучылар тарафыннан зур бәйрәм үткәрелде. Хөрмәтле ветераннарыбыз, килгән кунакларыбыз әлеге бәйрәмне бик ошаттылар.

8 май көнне мәктәбебезнең барлык укучылары һәм укытучылары “Үлемсез полк” акциясе кысаларында  Бөек Ватан сугышында катнашкан әби-бабаларын искә алып һәм аларга дан җырлап, авылыбыз урамына чыктылар!

Хөрмәтле ветераннарыбыз өчен үткәрелгән бәйрәмнән соң, Бөек Ватан сугышында һәлак булганнар истәлегенә һәйкәл янына Дан гирляндасын кую тантанасы булды.

24 нче апрель көнне мәктәбебездән бер төркем укучылар район мәдәният йортына “Габдулла Тукайның тууына-129 ел " тулу уңае белән оештырылган бәйрәм кичәсенә бардылар. Бу кичәгә Казаннан Фоат Галимуллин, Әнәс Хәсәнов, Марат Әмирханов, Вакыйф Нуриев, Эльмира Шарифуллина, Фәнзаман Баттал, Наил Ишмөхәммәтов , Мансур Шаһимәрдәнов һәм үзебезнең районнан Фәридә Шакирова, Мәгъмүрә Хөрмәтуллина, Гарифҗан Мөхәммәтшиннар килгән иде. Алар үзләренең шигырьләрен укыдылар. Аннары Тукай әкиятләреннән өзекләр карадык, шигырьләрен тыңладык. Кичә җыр-биюләр бергә үрелеп барды. Бу бәйрәм кичәсе һәркемгә бик ошады, без аннан матур тәэсирләр белән кайттык.

22 нче апрель көнне “День Дружбы” көне буларак һәм филология декадасы кысаларында  5-11 сыйныфлар өчен инглиз теле буенча КВН үткәрелде. 8,9,10 нчы сыйныф укучыларыннан төзелгән командалар арасында ярыш узды. Инглиз телендәге чаралар  бик кирәк. Инглиз теле белән дус яшәргә кирәк.

21 нче апрель көнне “Доброе слово” көне буларак  филология декадасында 1-3  сыйныфлар өчен “Тукай безнең күңелләрдә” дип исемләнгән класс сәгате үткәрелде. Татар халкының бөек шагыйре Г. Тукай турында әңгәмә корылды.

20 нче апрель көнне мәктәптә “Сугыш урлаган балачак”   кичәсе белән “Весенняя неделя Добра” акциясенә старт бирелде. Гомерләре буена ятим булган, зур авырлыклар кичергән әби-бабайларыбыз очрашуга килделәр. Сугыш афәтенең ятим калдыру ачыларын сөйләделәр. Кичә “Себер тракты тарихы” музее, “Игенче” күмәк хуҗалыгы белән берлектә уздырылды.

 20 нче апрель көнне иртәнге линейкада  укучылар зур әзерлекле  Татантлар парады белән филология декадасын ачып җибәрделәр. Декадада күп чаралар көтелә. Уңышлар.

   Мәктәптә 18 апрель көнне 10 класс укучылыры өчен    ABBYY Мониторинг   компаниясе үткәргән республика күләм мониторинг үткәрелде. Укучылар  рус теле фәне буенча белемнәрен сынадылар.

17 нче апрель көнне Карадуган мәктәбе коллективы Хасаншәех авылы халкына  “Кояшлы балачак” дип исемләнгән концертын тәкъдим итте. Авыл халкы бик ошатты. Балаларның иҗади эшчәнлегенә соклануларын белдерделәр.