27 нче февраль көнне “Аҗаган-2015” уенының муниципаль этабы уздырылды. Элеге чарада безнең мәктәп җыелма командасы да яхшы күрсәткечләргә иреште. 10 нчы сыйныф укучылары Габдрахманов Рәсим һәм Ахмадуллина Зәринә “Меткий стрелок” бәйгесендә I нче урынны яуладылар! Котлыйбыз аларны!

25-26 нчы февраль көннәрендә Аксубай районында яшүсмер егетләр арасында республикакүләм “Золотая шайба” хоккей ярышлары булып үтте. Әлеге уеннарда безнең мәктәпнең хоккей командасы, “боз хуҗаларын” да җиңеп, призлы I нче урынны яулап алып кайтты. Афәрин, егетләр!

  27 февраль көнне Карадуган, Арбаш, Таузар авылларында яшәүче тыл ветераннарына Бөек Җиңүнең 70 еллыгына багышланган юбилей мадальләрен тапшыру тантанасы булды. Укучыларыбыз шигырь  һәм җырлар белән әби-бабайларны кайнар котладылар.

26 нчы февраль көнне РСФСРның һәм Татарстанның атказанган укытучысы, 32 ел Карадуган мәктәбе директоры булган Зыятдинов Бакый Шәймулла улына мемориаль такта ачу тантанасы булды. Әлеге чарадан соң, Карадуган мәдәният йортында мөхтәрәм укытучыбыз Зыятдинов Бакый Шәймулла улын искә алу кичәсе уздырылды.

25 нче февраль көнне Карадуган мәдәният йортында Муса Җәлил премиясе лауреатлары Рифат Сәлах һәм Гөлзада Сафиуллина, шагыйрь  Ленар Шәех, шагыйрь һәм уйлап табучы Ринат Нуруллин белән очрашу булды. Әлеге шагыйрьләр укучылар алдында үзләренең шигырьләрен укыдылар, тәҗрибәләре белән уртаклаштылар. Кунаклар “Себер тракты тарихы” музеена     һәм укучыларга буләк итеп китапларын калдырдылар.

21 нче февраль көнне мәктәбебездә гөрләтеп Аҗаган уены үткәрелде. Әлеге чарада 2-11 сыйныф укучылары да,  әти-әниләр дә бик актив катнаштылар. Бәйрәмнең беренче өлешендә һәр сыйныф берәр хәрби төр киеме киеп, атлау һәм җыр осталыкларын күрсәтсәләр, икенче өлештә укучылар кызыклы ярышларда, узләрен һәрьяклап сынап, баллар җыйдылар. Уенның иң мавыктыргыч этабы – әтиләр өчен биатлон ярышы булды. Бәйрәм бик күңелле һәм истә калырлык итеп узды.

   20 нче февраль  көнне М. Җәлил исемендәге музейда Афганчы солдатларга медаль тапшыру тантанасы уздырылды. Арбаш авылыннан Нуриев Ф., Гарипов Ш., Балтач районы прокуроры ярдәмчесе Шарифуллин Ф.Г. , Балтач военкоматыннан Каримов  Ф., белән очрашу узды. Карадуган авылы җирлеге башлыгы Низамиев Ш.В. шушы җирлектәге батырларыбызга медальләр тапшырды.

17 нче февраль  көнне уздырылган Муса Җәлил исемендәге III республикакүләм фәнни-гамәли конференциясе кунагы – күренекле шагыйрь, Г.Тукай һәм М.Җәлил премияләре лауреаты Роберт Миңнуллин балаларны кызыксындырган барлык сорауларга да аңлаешлы һәм күңелле итеп җавап бирде.

17 нче февраль көнне мәктәбебездә Муса Җәлил исемендәге III республикакүләм фәнни-гамәли конференция уздырылды.  Әлеге чарага республикабызның бик күп районнарыннан кунаклар килде. Укучылар 5 төрле секциядә сугыш чоры әдәбияты, Муса Җәлил иҗатына  кагылышлы фэнни тикшеренүләре белән чыгыш ясадылар. Һәр секциядә иң эчтәлекле, уңышлы эшләр билгеләнде, аларга истәлекле бүләкләр бирелде.

12 нче февраль көнне мәктәбебезнең 10 укучысы Казанга хәйрия акциясе буенча оештырылган “Добрата и любовь спасут Мир” дигән исем астында уздырылган чарада катнаштылар. Бәйрәмне оештыручылар һәр балада күтәренке кәеф тудырдылар һәм истәлекле буләкләр тапшырдылар. Балаларга әлеге чара бик ошады.