“Оборона-масса һәм спорт” айлыгы кысаларында ярышлар дәвам итә. 11 февральдән алып 17 февральгә кадәр класслар арасында волейбол ярышлары уза. Ахырдан  роталар арасында ярыш оештырылачак. Әлеге ярышка иң оста уенчылардан командалар төзеләчәк.

Мәктәбебезнең оста биючеләре, остазлары Сәлимә Зиннәтовна белән, ТНВ каналында “Башваткыч” тапшыруында булып кайттылар. Алар әлеге тапшыруга авылыбызда эшләп килүче “Ива мебель” фабрикасының данын яклау өчен бардылар. Кызларыбыз сынатма ды, аларның матур  биюләрен тапшыруның алып баручысы  Җәвит Шакиров та бик ошатты. Афәрин, кызлар!

Бүген мәктәбебездәге барлык укучылар һәм укытучылар чаңгыга басты. Аларны  көннең салкын булуы да, ачы җилләр дә куркытмады. Иң оста чаңгычылар мәктәп грамоталары белән бүләкләнделәр.

Мәктәбебездә эзләнү отряды членнары булып китте. Алар укучыларны әлеге отрядның максаты, эш юнәлешләре, эзләнү вакытында табылган экспонатлар белән таныш тырдылар, укучыларның сорауларына җаваплар бирделәр.

Чепья урта мәктәбе базасында Г.А. Сидоров истәлегенә ФОРПОСТ командалары арасында узган ярышта мәктәбебез командасы 3 урынны яулады. Шәхси беренчелектә, пневматик винтовкадан ату буенча, 10 сыйныф укучысы Ахметханов Ильдан 3 урынны алды. Ярышта катнашучы егетләргә һәм аларны әзерләгән ОБЖ укытучысы Ильяз Хәмәтзәкиевичка  зур рәхмәт.Молодцы егетләр!

Безнең балалар оешмасының өндәмәсе “Һәр көнне игелекле эш эшлә”! дигән. Әлеге өндәмәне тормышка ашыру максатыннан укучылар коллективы белән “Наз”  сәламәтләндерү үзәгенә концерт программасы белән бардык. Балалар көче белән әзерләнгән җыр-биюләрне  өлкәннәр бик яратып карадылар һәм бик зур рәхмәт әйтеп озатып калдылар.

Әлеге айлык кысаларында мәктәп күләмендә күп кенә спорт ярышлары, очрашулар уза. Әлегә шашка һәм шахмат ярышлары классларда бара, җиңүчеләр мәктәп беренчелеге өчен көрәшәчәк.

Район күләмендә уздырылган “Талисман моей детской организации” конкурсында катнашып “Хыял” балалар оешмасы икенче урынны яулады.Ә 5 класс укучысы Хайруллина Диләрә шушы ук конкурста катнашып, сертификатка ия булды

“Созвездие-Йолдызлык” конкурсының мәктәп туры уздырылды. Әлеге конкурста иң оста 15 җырчы катнашты. Конкурста катнашучылар арасыннан  гран-при  яулаган  2 җырчы “Созвездие-Йолдызлык” конкурсының район турында катнашачак.

Район күләмендә 6-8 класс укучылары арасында математик марафон уздырылды. Зона ярышында мәктәбебездән “икс һәм игрек” командасы катнашты.Биредә алар үзләренең математика буенча белемнәрен  барладылар.