Башлангыч сыйныф укучылары арасында дәфтәрләрләр арасында конкурс уздырылды. Иң чиста дәфтәр тотучы укучылар дип 1 сыйныфтан Асхадуллин Илдан, 2 сыйныфтан Зәкиева Ләлә, 3 сыйныфтан Гәрәев Рөстәм, 4 класстан Ибрагимова Ландышлар табылды. Аларга мәктәп грамоталары тапшырылды.

Башлангыч сыйныф укучылары  үзләренең сыйныфлары турында бик матур газеталар чыгардылар. Әлеге газеталардан күргәзмә ясалды.

1-4 сыйныф укучылары арасында “Яраткан әбием һәм бабаем” дип исемләнгән рәсемнәр парады уздырылды. Һәр укучы үзенең яраткан әби һәм бабаен рәсемдә гәүдәләндерде. Әлеге рәсемнәрдән күргәзмә ясалды.

Мәктәптә башлангыч сыйныфлар айлыгы дәвам итә. Бүген 1-4 сыйныфлар өчен китапханәдә “Китап-белем чишмәсе” исемле дәрес уздырылды. Әлеге дәрестә укучылар китап турында күп кенә мәгълүматләр алдылар, китапханәдә үз-үзеңне тоту кагыйдәләрен искә төшерделәр.

Мәктәбебезнең математика укытучысы Вакыйф Мөбәрәкович үзенең 60 яшьлек юбилеен билгеләп узды. Хөрмәтле Вакыйф Мөбәрәкович! Сезне олуг бәйрәмегез белән котлыйбыз.Сезгә сәламәтлек, озын гомер,гаилә бәхете телибез.

1 октябрь - Өлкәннәр көне уңаеннан акция узырылды. Укучыларыбыз мәктәптә эшләп лаеклы ялга чыккан техник хезмәткәрләрне, укытучыларны өйләренә барып бәйрәм белән котладылар, аларга чәчәк букетлары, открыткалар бүләк иттеләр һәм мәктәпкә бәйрәмгә чакырдылар. Укучыларның игътибарын күреп өлкәннәрнең күзләре яшьләнде. Алар укучыларны тәртипле булырга, тырышып укырга өндәделәр.

Мәктәптә эшләп лаеклы ялга чыккан өлкәннәр өчен “Картаямыни соң йөрәк” исемле очрашу-кичә уздырылды. Бәйрәмгә килгән өлкәннәр мәктәп музеенда булдылар, директорыбыз аларны мәктәп тормышы белән таныштырды. Ә укучыларыбыз өлкәннәр өчен бик матур концерт куйдылар, өлкәннәр балаларга үзләренең яшьлек еллары турында сөйләп уздылар. Бәйрәм чәй табыны артында дәвам итте. Биредә алар үзләре эшләгән чордагы кызыклы вакыйгаларны исләренә төшерделәр, рәхәтләнеп ял иттеләр.

Бүген мәктәбебезгә 9-11 сыйныф укучылары белән очрашуга Казаннан районның халыкны эш белән тәэмин итү үзәге белән берлектә эшчәнлек алып баручы психология фәннәре кандидаты Трифонова Татьяна Александровна килде. Ул югары сыйныф укучылары белән  профориентация эше алып барды. Татьяна Александровна укучыларга  профессия сайлау, һәр профессиянең үзенчәлеге турында сөйләде. Үзеңә профессия сайлаганда барлыкка килергә мөмкин булган ялгышлар турында аңлатып китте һәм укучыларга тест эшләтте. Очрашу эшлекле формада үтте.

25-27 сентябрьдә Алабуга шәһәрендә 1996-1997нче елгы яшүсмерләр арасында татар-башкорт милли көрәше буенча Татарстан беренчелегенә ярыш булып узды. Әлеге ярышта мәктәбебездән Ахматханов Ильдан катнашты. Ул 60 кг. үлчәү авырлыгында Республика күләмендә 3нче урынны яулады.

Мәктәп  күләмендә башлангыч сыйныфлар айлыгы бара