“Хыял” балалар оешмасында үзидарә җыены уздырылды. Әлеге җыенда үзидарә членнары эш бүлештеләр, яңа уку елына төзелгән план белән таныштылар. План буенча фикер алышулар булды һәм кайбер өстәмәләр белән план бертавыштан кабул ителде.

Һәр фән буенча олимпиадаларның мәктәп туры башланып китте.

Район мәдәният йортында Минзәлә Дәүләт драма театры артистлары тарафыннан   Гаяз Исхакыйның “Сөннәтче бабай” хикәясе сәхнәләштерелде. Әлеге чарада мәктәбебездән бер төркем укучылар катнашты. Спектакль  укучыларга бик охшады.

Уку елы яңа гына башланып китүгә карамастан район күләмендә уза торган ярышлар оешкан төстә башланып китте. Арбор авылында, ООО “Арбор” призына, татар – башкорт көрәше буенча ярыш оештырылды. Көрәшчеләребез әлеге ярыштан зур уңышлар белән кайттылар.

Бүген дәресләрдән соң мәктәп бакчасында үстерелгән яшелчәләрне җыю оештырылды. Әлеге чарада һәр укучы актив катнашты. Җәй буе тырышып эшләү нәтиҗәсендә мул уңыш җыеп алынды.

Мәктәп күләмендә милләтләр кроссы уздырылды. Әлеге чарада мәктәбебезнең барлык укучылары һәм укытучылары катнашты. Ярышта катнашучыларга мәктәп грамоталары тапшырылды.

Мәктәптә 1-5 сыйныф укучылары катнашында “Юл әлифбасын өйрәнәбез” дип исемләнгән кичә уздырылды. Әлеге кичәгә район полиция бүлегеннән ГАИ җитәкчесе Фәргать Тәлгатович та килде. Кичәдә укучылар үзләренең юлда йөрү кагыйдәләрен ничек өйрәнүләрен күрсәттеләр.

Республика күләмендә үтә торган экологик акциягә кушылып мәктәп күләмендә күп кенә эшләр эшләнде. Укучылар көче белән мәктәп территориясе чистартылды, 1-6 класс укучылары табигатькә сәяхәткә чыктылар. Шулай ук чишмәләр дә игътибар үзәгеннән читтә калмады, һәр класс үзенә беркетелгән чишмәнең әйләнә тирәсен чистартты.

15 сентябрь – ТВБнең туган көне. Әлеге уңайдан мәктәптә әңгәмәләр уздырылды. Эзтабарлар өчен “Кем ул эзтабар”?, варислар өчен  “Без чын варисмы”? исемле үзара сөйләшү булып үтте. 2 сыйныф укучылары эзтабар сафына керү өчен әзерлек эшләре башладылар.

Мәктәптә сәламәтлек сәгате булып узды: укучылар спиртлы эчемлекләр  һәм тәмәкенең зарары турында чыгыш тыңладылар, кросста катнаштылар.