2013 нче елның 5 мартында Халыкара хатын-кызлар көне уңаеннан Балтач автомобиль мәктәбе (ДОСААФ) районыбызның гүзәл затлары арасында «Автоледи» ярышы уздырды.  Ярышның беренче өлешендә  кызлар белемнәрен теоритик яктан күрсәтте, икенче этапта практик күнекмәләр бәяләнде.
    Киеренке ярышта бакчабыз хезмәткәре Гыйльметдинова Гөлназ Равилевна 42 балл белән II урынны яулады. Афәрин!

Көннең яктылыгы кояшта, күкнең матурлыгы йолдызларда, җир йөзенең гүзәллеге хатын – кызларда. Хөрмәтле кызларыбыз, әниләр-әбиләребез, апа-сеңелләребез сезне  халыкара хатын – кызлар көне белән тәбриклибез. Бәйрәм иртәсе  сезгә  елмаеп баккан кояш матурлыгын, табигатьнең самимилеген өстәп, күңелегезгә шатлык, тәнегезгә сихәтлек, өйләрегезгә иминлек алып килсен. Бәйрәм белән сезне!

Бакчабызның нәни талантлары "Йолдызлык - 2014"  фестиваленда катнашып, үзләренең сәләтләрен күрсәттеләр.

Бакчабызның өлкән тәрбиячесе Волкова Г.В. 26 февраль көнне Казан шәһәрендә "Перспектива Татарстана. Образование 3.0" дип исемләнгән мәгариф хезмәткәрләре, балалар бакчаларында эшләүче хезмәткәрләр  өчен оештырылган конференциядә катнашты. Конференциянең 1 өлешендә  Татарстан Республикасы мәгариф һәм фән министры Энгел Фәттахов, педагогик фәннәр докторы, ФГОС проекты җитәкчесе А.М.Кондаков, педагогик фәннәр докторлары, "Дрофа" нәшрияты хезмәткәрләре  Л.Н.Феденко, Т.В.Долгова, О.А.Денисенко чыгыш ясадылар.2 өлешендә эш секцияләргә бүленеп,балалар бакчаларында семинар, ачык чаралар белән дәвам итте. Конференциядә катнашучы һәркем үзенә рухи азык алып, яңалык туплап кайтып китте.

Кадерле әтиләребез, бабайларыбыз, абыйларыбыз! Сезне Ватанны саклаучылар  көне белән  котлыйбыз.  Сезгә озын  гомер,  нык сәламәтлек телибез.

УМК битлекләрен кулланып балалар яратып уйныйлар.

Хезмәт һәрвакытта да кеше тормышының нигезе булып, кеше тормышы һәм мәдәниятының барлык яхшы якларын тудыруда нигез булып тора. Шуңа күрә тәрбия эшендә дә хезмәт төп нигез элементларының берсе ул.Балалар бакчасында хезмәт тәрбиясе бирүнең  әһәмиятле ягы бар: хезмәт белән шөгыльләнү баланы мәктәпкә тәрбияләргә ярдәм итә. Кече яшьтән үк хезмәт  тәрбиясе алган балалар мәктәптә  дә мөстәкыйль, оешкан, актив, пөхтә һәм үзләренә хезмәт күрсәтә белүләре белән аерылып торалар.

Бакчабызда 23 февраль- Ватанны саклаучылар көне уңаеннан төркемнәрдә бәйрәм иртәләре үтте.Бәйрәмнәр җыр-биюләр, бәйгеләр белән үрелеп барды.

Балаларның сәламәтлеген,  үз сәламәтлегенә карата җаваплы караш ,  әти-әнисе белән горурлану хисе тәрбияләү максатыннан бакчабызда әти-әниләр белән берлектә  күңел ачу чаралары уздырылды. 

"Сәламәт гаиләдә -сәламәт балалар"  Бөтенрәсәй дәресләре кысаларында бакчабызда төрле чаралар үткәрелде. II кечкенәләр төркемендә Әлфия Гилвановна балаларга  тешләрнең сәламәтлеген кайгырту серләренә төшендерә.