3 нче сыйныфлар ,әниләре белән бергәләп, "Бәхетле очрак" интеллектуаль уенында катнаштылар. Сыйныф җитәкчеләре Әхмәтханова Ә.М. аларга бик күп биремнәр эшләтте. 

Кызлар арасында "Мин балга нинди күлмәк кияр идем" конкурсы атна ахырына кадәр дәвам итәчәк, иң затлы күлмәк иясе билгеләнәчәк.

Малайлар өчен сәнгать атналыгында "Минем хыялымдагы машина" рәсем конкурсы уздырыла. Атна ахырында иң матур машина хуҗасы билгеләнәчәк.

Сәнгать атналыгы кысаларында рәсем укытучысы Гарипова Л.Р. 5-6 нчы сыйныфлар өчен "Иҗади палитра" интеллектуаль уены үткәрде. Уенда "Иҗади балалар" һәм "Кояшкай" командалары көч сынашты.

Профотряд членнары тәрбия сәгатен укучыларны 2014 елда Сочида узачак олимпия уеннарына әзерлек белән таныштыруга багышладылар, олимпия гимнын тыңлаттылар. 9 нчы сыйныф укучылары Хәйруллина Гөлия, Шакиров Айнур, Ягудин Хәйдәр, Хәкимов Айрат бик матур чыгыш ясадылар.

1997 нче елгы  һәм яшьрәк кызлар арасында   ООО "Труд" призына уздырылган армспорт ярышында 8 нче сыйныф укучысы Зиннәтуллина Рамилә 1 нче, 9 нчы сыйныф укучысы Хәйруллина Гөлия 3 нче урынны яуладылар. Тренерлары: Галимов Илдар Мөхәммәтнаилевич.

20-27 январь көннәрендә мәктәптә сәнгать атналыгы уздырыла. Атналык чараларга, конкурсларга бай, барлык укучыларны кызыксындыра торган.

2 нче сыйныфларның әти-әниләре татар теленнән ачык дәрес карадылар. Укучылар актив катнаштылар. Дәресне сыйныф җитәкчесе Әхмәтҗанова А.Ш. үткәрде.

1 нче сыйныф укучылары  әти-әниләргә үзләренең 4 ай буе алган белем һәм күнекмәләрен күрсәттеләр. Сыйныф җитәкчеләре Гобәйдуллина Ф.Ә. татар теленнән ачык дәрес уздырды. 

Сыйныф җитәкчесе Габделхакова Р.Г.  5 нче сыйныфларның әти-әниләрен кунакка чакырды һәм татар теленнән бик матур ачык дәрес күрсәтте. Соңыннан чирек нәтиҗәләре,   укучыларның тәртибе, үз-үзләрен тотышлары буенча сөйләшүләр булды.