2-3 нче сыйныфлар әниләрен бәйрәм белән котлап, кунакка чакырдылар. Бәйрәм кичәсендә "Кем миллионер булырга тели" уены үткәрелде.

39 хәреф белән

Таныштык без дәрестә.

Олы ярдәмче булдың син,

Рәхмәт сиңа, ӘЛИФБА!

1 нче сыйныфлар бик матур итеп "Әлифба" бәйрәме үткәрделәр.

6-7 сыйныф егетләре 8 нче март бәйрәменә әниләренә агачтан гөл кую өстәлчекләреһәм кухня наборы эшләгәннәр. Өйрәтүчесе: Гайфуллин Г.Г.  

9 нчы сыйныф укучылары, имтиханнарга әзерлек арасында, тау шуып, саф һавада ял итеп кайттылар. 

Тимераякта шууны балалар бик яраталар. Шуңа күрә алар шугалакны кардан чистартып торалар. 

Тәрбия сәгатьләрендә егетләр  8 нче Март бәйрәменең килеп чыгу тарихы турында сөйләделәр, укучыларга кызыклы мәгълүмат бирделәр. 

5-8 сыйныф кызларының җитезлеген, булганлыгын билгеләү өчен "Замана кызлары" бәйгесе үткәрелде. Кызлар ике командага бүленеп спортта һәм көнкүрештә үзләренең сәләтләрен күрсәттеләр. 

Балалар тәртибе, алдагы бурыч һәм максатлар турында сөйләшү өчен әти-әниләр мәктәпкә җыелды. Башлангыч сыйныфлар укытучысы Гобәйдуллина Ф.Ә. аларны суицид  китереп чыгарырга мөмкин булган  сәбәпләр белән таныштырды.

Физик тәрбия укытучылары, Сочида узган Олимпия уеннары алдыннан, укучыларга Россия командасы алачак медальләр санын фаразларга тәкъдим иттеләр. Мәктәптәге барлык укучы һәм укытучылар да үз фаразларын әйттеләр. Һәм шулар арасыннан төгәл итеп билгеләүчеләр  булып Мостафина Алинә, Гаязетдинова Рәмзия, Губаев Рәзил, Хәкимов Айрат, Зиннәтуллина Чулпаннар табылды. 

25 февраль көнне башлангыч сыйныф укучылары "Мальчиш-кибальчиш" уен-ярышында катнаштылар.