Әфганстаннан Совет гаскәрләрен чыгаруга 25 ел булу уңаеннан укучылар Әфганстанда һәлак булган авылдашыбыз Тәлгать Гыйльванов каберендә булдылар, венок куйдылар.

14 февраль көнне «Оборона-масса һәм спорт сәламәтлек» айлыгының тагын бер чарасы – укытучылар, укучылар, студентлар арасында мини-футбол ярышы уздырылды.

Спорт-сәламәтлек аеның тагын бер традицион чарасы - "Замана егетләре" бәйгесе үткәрелде. 4-9 сыйныф егетләренең физик яктан да, интеллектуаль яктан да сәләтләре тикшерелде, нәтиҗәләр чыгарылды. 

Спорт айлыгы кысаларында башлангыч сыйныфлар арасында шашка ярышлары башланды. Укучылар бу бәйгегә  кызыксынып һәм теләп  катнашалар. Аларның  ярышын оештыручы һәм күзәтеп баручы - Гайфуллин Г.Г.

Укырга, һөнәр алырга теләгән кешегә мөмкинлекләр күп хәзер. 9 нчы сыйныфны тәмамлап китәргә теләге булганнарны Мари-Төрек механизация техникумы белгечләре  укырга чакырып, сөйләшүләр үткәрделәр.

Укучылар оешмасы членнары  бүген тәрбия сәгатьләрендә Әфганстанда хезмәт иткән авылдаш сугышчы - интернационалистлар тормышы белән укучыларны таныштырды. 

"Үтеп барса да яшьлек еллары,

Хәтердә һаман мәктәп юллары" - дип, мәктәпне 10, 20, 40, 50 ел элек тәмамлаган укучылар очрашуга җыелдылар. Очрашу кичәсе бик күңелле булды, бүгенге укучыларның җыр-биюләре белән үрелеп барды. 

Г.Сидоров истәлегенә Чепья урта мәктәбе базасында уздырылган "Форпост" ярышында мәктәбебез командасы уңышлы чыгыш ясады һәм актив катнашучы буларак бүләкләнде. Турникта тартылу буенча шәхси беренчелектә Галимов Ислам 1 нче, Хәкимов Айрат  2 нче, Кәбиров Фәнис 4 нче урыннарга лаек булдылар. Команданың җитәкчесе: Гайфуллин Г.Г.

8 нче февраль көнне мәктәп буенча чаңгы көне үткәрелде. Укучылар туган як табигатенең матурлыгына сокланып, чаңгы шудылар.

Спорт - сәламәтлек айлыгы кысаларында һәм  Сочида узачак Кышкы Олимпия уеннары ачылуга багышлап 5 февраль көнне традицион "Кышкы кросс-2014" булып узды. Кичке сәгать 7 дә мәктәп яны шау-гөр килде. Кросста барлыгы  166 кеше катнашты.  "Иң кечкенә йөгерешче"   Гарипов Айзат,  "Иң өлкән йөгерешче" Габделхаева Зәнфирә апай булса,  "Иң күп катнашучысы булган гаилә" булып Шәйхиевлар  гаиләсе танылды.