19 нчы июнь көнне зурлар төркеменә йөрүче балалар белән мәктәп яны лагерында уздырылган Сабантуй бәйрәмендә катнаштык. Балалар йөгерү, шакмак ташу, әйбер кисү уеннарында катнаштылар, бик күп бүләкләр алдылар. Мәктәп коллективына күңелле бәйрәм оештырганнары өчен һәм безне чакырганнары өчен бик зур  рәхмәт!

Бөек Җиңү бәйрәме алдыннан сугышта үлеп калган бабаларыбызга куелган һәйкәлгә экскурсиягә килдек әле. Исемнәр арасыннан үзебезнең бабаларыбызны да эзләдек.  

Бүген бөек шагыйребез Габдулла Тукайның туган көне уңаеннан безнең бакчабызда әдәби - музыкаль кичә булып узды. Ике төркем балалары да шагыйрьнең әкиятләрен, шигырьләрен сәхнәләштерделәр һәм "Туган тел","Туган авыл" җырларын башкардылар. Кичә Г.Тукайга багышланган презентация карау белән төгәлләнде.

Балаларыбызның төзегән стенасы Кытай стенасыннан бер дә ким түгел )))

Кошлар көнен каршылау - бик күркәм гадәт. Балалар шигырьләр сөйләделәр, җырлар җырладылар, уеннар уйнадылар, тема буенча мультфильмнар карадылар. Бәйрәмнең иң күңелле һәм балаларның иң зарыгып көткән мизгеле - пешекчебез Резеда апа пешергән чыпчыклар булды.

1 нче апрель - көлке көнен быел үзенчәлекле итеп уздырдык. Иртәнге якта әти-әниләр   өчен лоторея, күңелле итеп иртәнге гимнастика уздыру, үзенчәлекле иртәнге аш һәм бик күп уен-көлке)))

1 нче класска керүче балалар белән мәктәпкә экскурсиягә бару бер традициягә әйләнеп бара. Балалар кыскача гына мәктәп тормышы белән таныша.Мондый экскурсияләргә йөрү балалар өчен бик кирәк һәм кызыклы.