Китапханәче, Айсылу апа бүген безгә кечкенә генә бәйрәм ясады. Ул китаплар, аларны ничек сакларга икәнен генә сөйләп калмады, үзе белән күнелле китаплар күргәзмәсе дә алып килгән иде. Бик файдалы очрашу бүләк иткәнегез өчен рәхмәт Сезгә!

22 январьдан бакчабызда һәр җомга әдәп-әхлак дәресләре алып барылачак. Беренче дәрес танышу, белгән догаларны искә төшереп үтте. Аны Гайнетдинова Фәридә апа алып барачак.

Буген безгә кунакка авылыбызда фельдшер булып эшләүче Гузәлия апа килде. Бу юлы ул безгэ үзенең эше турында сөйләде. Шулай итеп, табиб һөнәре белән дә таныштык.

Түбән Бәрәскә авыл җирлеге тарафыннан оештырылган чаңгы ярышында кызларыбыз да актив катнаштылар, һәрвакыттагыча сынатмадылар.

Без зурлар төркеме белән кибеткә экскурсиягә бардык һәм сатучы һөнәре белән якыннан таныштык. Балаларга барысын да күрсәткән, аңлаткан өчен кибетчеләребезгә зур рәхмәт.

Бүген бездә зур бәйрәм! Безнең күнелләр җырга һәм биюгә җилкенә.

Чыршы бәйрәменә безне ел буе продукция белән тәэмин итеп торучы авылыбыз эшмәкәре Гарипов Рөстәм абыйлары да күчтәнәчләр белән килгән. Ул һәр балага Кыш бабай буләкләре өләште. Безнең балаларыбызны сөендергәне өчен аңа зур рәхмәт!

Үзебезнең сәламәтлегебезне ничек сакларга? Бу сорауга җавап эзләп без медпунктка киттек. Фельдшерыбыз Гүзәлия апабыз барысын да аңлатты, киңәшләрен бирде.

 АВЫЛЫБЫЗНЫҢ ЧЫРШЫ АЧЫЛУ ТАНТАНАСЫНДА КАТНАШТЫК. БЕЗНЕҢ КОЛЛЕКТИВ ШӘРЫКЪ КАЛЕНДАРЕ БУЕНЧА 12 ТӨРЛЕ ЕЛНЫ, ШИГЪРИ ӘКИЯТ ФОРМАСЫНДА ТӘКЪДИМ ИТТЕ.

Әти-әниләр өчен "Яңа ел бизәкләре" дигән конкурс башланып китте. Матур-матур эшләнмәләрне күреп әти-әниләрнең тырышлыкларына сөенеп туя алмыйбыз.