Бүген безгә кунакка участковый полномоченный Шарапов Марсель абый килде. Ул каникуллар вакытында һәм гомумән юлларда үзебезне ничек тотарга, чит кешеләр белән аралашмаска өйрәтте. Балалар үзләрен бик актив тоттылар, хәтта сораулар да бирделәр.

Менә без дә кечкенәләребезгә бүләк ясарга булдык. Зурлар төркеменә йөрүче балалар белән "Шалкан" әкиятен куйдык.Нәниләргә бик ошады.

Бүген кечкенәләр төркемендә "Бармак уеннары аша сөйләм телен үстерәбез" дигән темага ачык шөгыль үткәрелде. Тәрбиячеләр нәниләрнең сөйләм теле белән таныштылар, үз фикерләрен әйттеләр.  

Ниһаять көтеп алган бәйрәмебез дә килеп җитте. Әниләр белән генә күңелле, рәхәт шул! Без аларга ничек яратуыбызны шигырьләребез, җырларыбыз, биюләребез аша җиткердек. Рәхмэт Сезгә!

Әниләребезгә буләкләребез әзер инде безнең! Бәйрәмгә кадәр ничек кенә әйтми түзеп торырбыз менә....

Бәйрәмдә әтиләрне котлап кына калмадык, аларның осталыкларын да тикшердек. Барысына да оста икән безнең әтиләребез! Бәйрәм белән сезне!

Әтиләр арасында үткәрелгән “Ин оригиналь җимлек” конкурсына йомгак ясалды. Ниндиләре генә юк иде җимлекләрнең. Әтиләрнең осталыгы, фантазиягә бай булулары шаккаттырды. Иң матурын сайларга да мөмкин түгел хаттә, барсы да матур. Шуңа да “Иң оста куллы әтиләр”, “Иң фантазиягә бай әтиләр”, “Иң җитез әтиләр” дигән номинациядә билгеләп үттек үзләрен.

"Яшел ут" конкурсына зурлар төркеме "Акбай ничек юл йөрү кагыйдәләренә өйрәнде" дигән шөгыль күрсәттеләр.

Менә беренче сыйныфка кергән балаларыбыз да Әлифбаны тәмамладылар. Шул уңайдан зур бәйрәм оештырдылар. Бик күңелле бәйрәм булды, аларга зур рәхмәт.

Әтиләребез үз куллары белән эшләгән җимлекләрне дә элеп куйдык. Без һәм кошчыклар да әтиләргә бик рәхмәтле.