Авылыбызда яңа гына барлыкка килгән коега экскурсиягә бардык, аның шифалы суларын татып карадык. Әле утырып ял да итеп алырга була!

Бүген бездә ата-аналар җыелышы булып узды. Җыелышның темасы - Балалар бакчасына түләүне дәүләт хезмәтләре аша тормышка ашыру. 

Бакчабыз янында гына тузганак чәчәкләренә сокланып кайттык, аларның төсләренә, куплегенә таң калдык.

Бөек Җиңү олылар өчен дә, балалар өчен дә зур бәйрәм. Балаларыбыз шул хөрмәттән бәйрәм салютлары ясадылар. Бик матур килеп чыкты.

Габдулла Тукайның туган көне хөрмәтеннән бакчабызда бәйрәм булып узды. Шигырьләрен сөйләдек, табышмакларга җаваплар таптык, Г. Тукайның тормыш юлы белән таныштык, әкиятләрен искә төшердек. Айгөл апабыз әзерләп килгән бик кызыклы һәм файдалы видеоязма карадык.

Бакчабызда кошларны каршы алу матур традициягә әверелеп бара. Шигырьләр сөйләп, табышмакларга җавап табып, кошлар турында видеоязма карап бәйрәм иттек. Һәм  кош формасындагы камыр ризыгы белән сыйлаган өчен Резеда апабызга зур рәхмәт.

Менә без дә авылыбыз библиотекасына экскурсиягә бардык. Алсу апабыз безне бик җылы каршы алды, бик күп мәгълүмат бирде, бүләкләр дә бирде. Чакырганнары өчен аларга зур рәхмәт.

Язның иң күңелле мизгеле - боз китү. Экскурсиягә чыгып, күпердән боз китүне күзәтү балаларга онытылмаслык мизгелләр бүләк итте.

Кышны озату - язны каршы алу. Һәр бала бу бәйрәмне сөенеп каршы ала. Кыш бабай җиңелеп,  яз кызына юл бирде.