Каникул вакыты булуга да карамастан, мәктәбебездә укытучылар укучыларның белемнәрен  ныгыту өстендә эшләделәр. 9 нчы сыйныф укучылары имтихан эшләренә әзерләнделәр.

26 март көнне укытучыларның педагогик киңәшмәсе булып узды.

23 нче мартта 7 нче сыйныф укучысы Халикова Й.Д. "Илһам" бәйгесенең 2 этабына үтеп, Арча педагогия көллиятендә уңышлы чыгыш  ясады.

21 нче март көнне район буенча уздырылган волейбол ярышында безнең укучыларыбыз актив катнашып кайтты.

Бүген 1 нче сыйныфларда "Дуслык елмаюдан башлана" исемле ачык сыйныф сәгате үткәрелде. уен формасында үткән "сәяхәт" балаларга бик ошады. Алар бергәләп төрле биремнәр чиштеләр, сорауларга җавап эзләделәр. сыйныф җитәкчесе: Сибагатова Э.Г.

3нче сыйныфта татар теле фәненнән “Җөмлә” темасы буенча Вәлиева Г. тарафыннан ачык дәрес күрсәтелде. Дәрес укытучы белән укучыларның бер үк максатка эшләвен тәэмин итеп төзелгән.

Татаркино оешмасы мәктәбебез укучыларына Рудольф Нуриевка багышланган фильм тәкъдим итте.

4 нче сыйныфларның бәйрәм арты көннәре бик үзенчәлекле үтте. Алар сыйныф җитәкчеләре Альфира Фатхрахмановна белән дәү әниләрен "Иң - иң кадерлеләребез" дигән кичәгә чакырдылар. Иң зәвыклы, иң бай, иң оста, иң шаян, иң уңган дәү әниләр безнең сыйныфта икән!!!

Ак Барс банкы хезмәткәрләре укытучылар белән очраштылар