8 нче апрель көнне 8 нче сыйныф укучысы Хафизова Р.Д. Ш.Мәрҗани исемендәге республика фәнни-гамәли конференциясендә катнашты. Ул "Милләт өчен бәһа җитмәс кыйбат хәзрәт" секциясендә чыгыш ясап 3 нче урынны яулады. Котлыйбыз сине. Җитәкчесе: Сәмигуллина С.Ш.

Математика һәм информатика атналыгы кысаларында бүген 5 нче һәм 6 нчы сыйныфлар арасында интерактив "математик уеннар" ярышы үткәрелде. Киеренке көрәштә  5 нче сыйныф укучылары җиңү яулады. Ярышны математика укытучысы Нуриев Г.Ф алып барды. 

7 нче апрель көнне 6 нчы сыйныф җитәкчесе Мөхәмәтгалиева Э.Н. "Сәламәт яшәү рәвеше" дип исемләнгән ачык сыйныф сәгате үткәрде. Укучылар үзләренең сәламәтлелеген ни дәрәҗәдә икәнлеген тест ярдәмендә ачыклап киттеләр.

Бүген мәктәптә ата-аналар җыелышы булып узды. Башта әти-әниләргә ачык дәресләр күрсәтелде, аннан соң сыйныфларда җыелышлар дәвам иттелде. Сыйныфларда узган җыелышларда ата-аналар сәламәт яшәү рәвешен пропагандалау, балаларның сәламәтлеген саклау максатында, ГТО нормалары буенча әңгәмәдә катнаштылар.

ГТО нормалары белән таныштыру, сәламәт яшәү рәвешен пропагандалау максатында 1-9 сыйныфларда тәрбия сәгатьләре үткәрелде.

Математика һәм информатика атналыгы кысаларында бүген мәктәптә  “Иң пөхтә дәфтәр” бәйгесе үткәрелде. Җиңүчеләр – Хафизова А., Хафизова Р., Хабибуллина Г., Сабирова Л. Шулай ук 6 сыйныф укучылары арасында "Инфознайка"дип аталган интеллектуаль уен уздырылды. Укучылар ике командага бүленеп информатика фәненнән үзләштергән белемнәренең ныклыгын сынадылар. Бу бәйгедә 36:25 балл белән кызлар командасы җиңү яулады.Уенны информатика фәне укытучысы Мухаметгалиева Э.Н. алып барды.

Мәктәптә информатика һәм математика атналыгы дәвам итә. Ә бүген исә укучылар өчен иҗади эшләр бәйгесе игълан ителде: 8–9 нчы сыйныфлар - кроссворд , 6–7 нче сыйныфлар өчен – презентация төзергә биремнәр бирелде.

Мәктәбебездә информатика һәм математика атналыгын башлап җибәрдек. Атналыкның планы белән таныштырылды. Матур гына ачылып киткән атналык математика һәм информатика фәннәренә багышланган рәсемнәр конкурслары белән дәвам иттелде.

Районда үткәрелгән экологик фәнни-тикшеренү конференциясендә катнашып, 8нче сыйныф укучысы Хафизова Р. 3 нче урынга лаек булды. Җитәкчесе Загидуллина З.Д.

«Ашыт” мәдәният һәм спорт комплексында укучылар арасында X спартакиада кысаларында көрәш бәйгесе булып узды. Быел ул Күшәр авылында туып үсеп, Ватан каршында бурычын үтәгәндә батырларча һәлак булган герой әфганчы Зөфәр Хәйруллин призына үткәрелде.

Бу бәйгедә безнең Күшәр мәктәбе командасы -дүртенче урында. Шулай ук  “ Иң яшь көрәшче” исемен дә Күшәрдән 1 нче сыйныф укучысы И.Садретдинов яулады.