Мәктәп яны тәҗрибә участогында "кызу эш өсте". Укучылар һәм укытучылар коллективы һәркайда тәртип булдыру өчен көчләрен кызганмый.

26 нчы июнь көнне ныклап төзекләндерүдән соң мәктәп яңадан үз ишекләрен ачты. Кыска гына вакыт эчендә мәктәбебезне шушындый матур бинага әверелдерүдә көчләрен кызганмаган, зур тырышлык куйган барлык җитәкчеләргә, төзүчеләргә зур рәхмәт.

26 нчы июнь көнне ныклап төзекләндерүдән соң мәктәп ачылу тантанасы булды. Бәйрәмдә ТР Премьер-министр урынбасары, мәгариф һәм фән министры Энгель Фәттахов, Арча муниципаль районы башлыгы Алмас Назиров, район мәгариф идарәсе начальнигы Руслан Низамов, "Арча КСМ" ы җитәкчесе Рафаэль Муллагалиев, "Курса МТС" ы директоры Рәүф Гыйләҗетдинов,  мәктәп директорлары, укытучылар, ата-аналар, укучылар катнашты.

Мәктәбебезнең 14 укучысы да кулларына өлгергәнлек аттестаты алдылар. Аларга алдагы тормышларында уңышлар, укуларын яхшы дәвам итүләрен телибез.

1 июнь - Халыкара балаларны яклау көне уңаеннан укучылар белән күңелле уеннар уйналды, төрле ярышлар уздырылды.

Арча шәһәрендә район күләмендә асфальтта рәсем ясау конкурсы үтте. 4 класс укучысы Бикбаева Адилә 7-9 яшькә кадәрге категориядә катнашты. Аның "Юл йөрү кагыйдәләрен бел һәм үтә" номинациясендә ясаган рәсеме 1 урынга лаек булды. Адиләне җиңүе белән котлыйбыз!

Мәктәп күләмендә уздырылган футбол ярышы һәркемнең күңеленә хуш килде. Барлык класс командалары да уенда актив катнашты. 

12 нче май көнне укучылар  район күләмендә уздырылган "Куркынычсыз тәгәрмәч" конкурсында катнаштылар. Аларны ярышка Солтанова И.А. һәм Сөнгатов Ш.Җ. әзерләде.

Район күләмендә уздырылган "Куркынычсыз тәгәрмәч" конкурсында 5 нче класс укучысы Закирҗанов Илназ "Автошәһәрчек" ярышында 3 урынны алды. Аны җиңүе белән котлыйбыз!

12 нче май көнне "Бердәм экология дәресе" үтте. Укучыларга экологик проблемалар, Җирнең экологик халәте турында мәгълүматлар җиткерелде.

Укучылар тирә-юньне яшелләндерү, чистартуда да актив катнаштылар.