Наркотикларга каршы профилактика максатыннан үткәрелгән класс сәгатендә.  (Укытучы - Насыйбуллина Ф.К.)

"Наркотикларсыз тормыш" айлыгы кысаларында һәр класста төрле чаралар үткәрелә. Бу көнне 2 нче класс укучылары (Кл. җитәкчесе- Гыйбадуллина Н.Т.) тәмәкенең зарары турында күп мәгълүмат алдылар.

15 нче октябрь көнне Арча шәһәре стадионында укытучылар Бөтенроссия физкультура-спорт комплексын (ГТО) тапшырды. Мәктәп коллективы да әлеге чарада актив катнашты.Гер күтәрү буенча үз үлчәмендә Сөнгатов Ш.Җ. 2 урынны,  2 км га йөгерүдә Гарипова Р.И. 3 урынны яулады. Хезмәттәшләребезне җиңүләре белән котлыйбыз!

Башлангыч класс укучылары шахмат түгәрәгендә теләп шөгыльләнәләр. Түгәрәк җитәкчесе  - Лотфуллин М.Л.

Хөрмәтле укытучыларыбыз! Сезне һөнәри бәйрәмегез белән котлыйбыз! Сезгә корычтай нык сәламәтлек, озын гомер, эшегездә яңадан-яңа үрләр яулавыгызны телибез.

Өлкәннәр ункөнлеге уңаеннан ветеран укытучылар, техник хезмәткәрләр белән матур очрашу үтте.

Бәйрәмгә килгән хөрмәтле өлкәннәребез төзекләндерелгәннән соң яңарыш кичергән мәктәп белән таныштылар, музейда булып, үзләренең кичерешләре белән дә уртаклаштылар.

1 нче октябрь- өлкәннәр көне. Бәйрәм уңаеннан башлангыч класс укучылары һәм укытучылары (Гыйбадуллина Н.Т., Насыйбуллина Ф.К., Минһаҗева Ч.М.) әбиләрне очрашуга чакырдылар, үзләрен кызыксындырган сорауларын бирделәр, аларга матур җыр-биюләрен бүләк иттеләр. 

Башлангыч класс укучылары яраткан әби-бабайларына үзләре ясаган бүләкләрен тапшырдылар.