Бүген мәктәптә ата-аналар җыелышы булды. 1 чирек нәтиҗәләре һәм сәләтле укучылар белән эшчәнлек  турында  укыту-тәрбия эшләре буенча директор урынбасары Н.Т.Вәлиева, "Начар гадәтләргә юл куймыйк" темасы астында тәрбия эшләре буенча директор урынбасары Н.З.Садриева, "Авырулар һәм аларны кисәтү" буенча фельдшер А.Нәбиева, Урта Курса җирле үзидарә рәисе Р.Р.Вафина чыгыш ясады. Ата-аналарга укучылар көче белән әзерләнгән чыгышлар да тәкъдим ителде. Соңыннан мәктәп директоры Ф.М.Хәбибуллин укыту-тәрбия буенча борчыган мәсьәләләргә тукталды, ата-аналарның сорауларына җаваплар бирде.

Укучыларга һөнәри юнәлеш бирү максатыннан мәктәпкә Казан кооператив институтыннан вәкилләр килде. Факультет деканы Нуреев Роберт Фәрит улы укучыларны әлеге уку йорты, анда керү шартлары белән таныштырды, анкета сорауларына җаваплар алды.

Чираттагы педагогик киңәшмәдә укытучылар яңа стандартлар буенча башлангыч мәктәптән төп звенога күчү чорындагы проблемалар хакында фикер алыштылар. Шулай ук чирек йомгаклары,  5 нче класс укучыларының мәктәпкә ияләшүләре турында да чыгышлар булды.

"Беренче сыйныф укучысының мәдәни көндәлеге" проектын тормышка ашыру максатыннан мәктәпнең 1 нче сыйныф укучылары авыл китапханәсенә җыелды. Китапханәче Минһаҗева Д.Д. аларны китапханә һәм балалар өчен чыккан китаплар белән таныштырды,  көндәлекләр тапшырды.Проектның максатын, әһәмиятен һәм ничек тормышка ашырылырга тиешлеген әйтте. Укытучылар Насыйбуллина Ф.К. һәм Шәрәпова З.М. туган як темасына эчтәлекле әңгәмә оештырдылар.

Наркотикларга каршы көрәш максатыннан укучылар ясаган рәсемнәрдән күргәзмә оештырылды.

"Наркотикларсыз тормыш" айлыгы кысаларында китаплар күргәзмәсе эшләде. Китаплардан бик күп файдалы мәгълүматлар алырга мөмкин иде.

Бүген Арча шәһәрендә профсоюз оешмасы хезмәткәрләре катнашында ярышлар булып узды. Мәктәпнең биология һәм химия укытучысы Сөнгатов Ш.Җ. пневматик мылтыктан ату буенча 2 нче урынны алды. Афәрин!

5 нче ноябрь көнне Арчада район беренчелегенә шахмат ярышы үткәрелде. Безнең мәктәп командасы әлеге ярышта 2 нче урынны яулады. Команда составында Хәмзин Ришат (5 кл.), Гайнуллина Зилә(4 кл.), Закирҗанов Илназ(6 кл.) иде. Афәрин!

"Наркотикларсыз тормыш" айлыгы кысаларында 9 нчы класс укучылары (кл. җитәкчесе Юнысова Р.К.) "Наркотиклар.Закон.Җаваплылык" дигән темага сөйләшү уздырдылар, фикер алыштылар.

"Наркотикларсыз тормыш" айлыгы барышында 9 класс укучылары 7 класс укучылары белән наркотикларның зыяны турында сөйләштеләр.