Бүген 3 нче сыйныфта “Дуслык бит ул – тормыш үзәге” темасына сыйныф сәгате үткәрелде. Кешеләр арасындагы үзара мөнәсәбәтләрдә дуслыкның иң мөһим сыйфатларның берсе булуына ышаныч, бер-береңә ярдәм кулы сузу, коллективта бердәмлек сыйфатлары, татар халык мәкальләре аша үз халкыңа мәхәббәт тәрбияләү максатыннан үткәрелгән сыйныф сәгате уен-ярышлар белән үрелеп барды. Ахырдан укучылар сыйныф каршында дус булырга вәгъдәләр бирделәр һәм хор белән җырладылар:

“Галәмнең серләрен белергә,

Укырга, эшләргә, төзергә,

Дус булып яшик без гомергә,

Атлыйк без гел бергә, гел бергә!”

9 нчы класс укучылары ел дәвамында төрле уку йортларыннан вәкилләр белән очрашып торалар, үзләре дә ачык ишекләр көннәрендә катнашалар. Бу юлы алар Г.Тукай исемендәге Әтнә авыл хуҗалыгы техникумыннан килгән вәкилләр белән очрашып, уку йортына керү, уку, яшәү шартлары белән тулырак таныштылар. 

Һөнәр сайлау – кеше тормышында иң әһәмиятле мәсьәләләрнең берсе. Заман үзгәрә барган саен, тормыш яңа һөнәрләр таләп итә. Гомерлек юлны сайлау бик авыр. Технология атналыгы кысаларында  бу хакта мәктәпне берничә ел элек тәмамлаган, хәзер төрле вузларда укучы егетләр-кызлар укучыларга да җиткерделәр. Сайлаган һөнәрнең үзеңә ошый һәм шатлык китерә торган булуына басым ясадылар. Кичә кызыклы сораулар,интервью һәм җыр-биюләр белән үрелеп барды.

Мәктәпнең "Мөстәкыйль балалар" проектында катнашучы балалар укучылар белән чираттагы күңелле бию  - флешмоб уздырдылар.

Мәктәптә көрәш белән кызыксынган укучылар күп. Каникулдан соң алар көрәш түгәрәгендә яңа тренер - Әхмәдиев М.Г. җитәкчелегендә ярышларга әзерләнә башладылар.

Сәламәт яшәү рәвешен пропагандалау, чирләрнең сәбәпләрен ачыклау, эчкечелек, наркомания, тәмәке тартуга каршы тискәре караш формалаштыру максатыннан, өлкән класслар берлеге кызлары 5 нче класс укучылары белән шушы темага әңгәмә уздырдылар.

О проведении занятий в условиях низкой температуры наружного воздуха

Шимбә көнне Иске Кырлай авылында Фәнил Гәрәфиев истәлегенә багышланган чаңгы ярышы уздырылды. Безнең мәктәпнең чаңгычылар командасы әлеге ярыштан җиңү белән кайтты. Минһаҗева Зилә (8 кл.), Минһаҗева Илүзә (7 кл.), Закирҗанов Илназ (7 кл.), Сәләхов Илнар (8 кл.) составындагы команда 2 нче урынны яулады. Шәхси беренчелектә Минһаҗева Зилә (8 кл.) 3 нче урынны алды. (Укытучылары - Минһаҗев М.В.) Укучыларга алдагы ярышларда да зур җиңүләр телибез.

Бүген 9 нчы класс укучылары өчен  математика фәненнән кабат сынау имтиханы уздырылды. Биремнәрне Сикертән мәктәбенең математика укытучысы Ибраһимова И.И. әзерләде һәм имтиханны үткәрде. Әлеге имтиханда күзәтүче буларак ата-аналар да катнашты.