Мәктәбебездә “Язгы изгелек атнасы” дәвам итә. Бүген классларда “Без төрле, ләкин без бергә”, “Без барыбыз да бертигез” дигән темага сыйныф сәгатьләре узды, “Ләйсән” балалар бакчасында тәрбияләнүче кечкенәләр белән уеннар үткәрелде. Мондый акцияләрдә катнашкач, балаларда киң күңеллелек, кеше күңелен аңлап, ярдәм итү кебек кешелекнең иң күркәм сыйфатлары тәрбияләнә. Бердәмлектә-көч! Бергә булганда гына без көтелгән нәтиҗәләргә килеп, хезмәтебезнең җимешен татый алабыз.

Табигать – тиңсез хәзинә. Ул безнең бүгенге байлыгыбыз гына түгел, киләчәгебез дә. Аны бездән соң килгән буыннарга калдыру уртак бурычыбыз. Табигатьне саклау проблемасы белән бала кечкенәдән таныша. Мәктәптә табигатькә мәрхәмәтле карашны, аның матурлыгын тоя белүне, яклый, саклый белүне тәрбияләүдә зур эшләр алып барыла. 22 апрель көнне биология укытучысы Сафина Н.Г. “Табигать – тиңсез хәзинә” темасына экологик дәрес үткәрде, “Үз туган җиреңне сакла!” исеме астында рәсем күргәзмәсе оештырылды, мәктәп янында өмә уздырылды.

     Укучыларның сәламәтлеген саклау һәм ныгыту-иң мөһим бурычларның берсе. Мәктәптә физкультура дәресләреннән тыш, төрле хәрәкәтле уеннар, физкультура-спорт чаралары, табигатькә экскурсияләр оештырыла. “Язгы изгелек атнасы” кысаларында бүген “Спорт сөюче Татарстан” көне уңаеннан башлангыч сыйныф укучылары белән “Күңелле стартлар” үткәрелде, “Мөстәкыйль балалар" проектында катнашучы укучылар флешмоб уздырды.

20 апрельдә Россиядә иҗтимагый мөһим бәйрәмнәрнең берсе - Милли донорлар көне билгеләп үтелә. Шушы истәлекле көн уңаеннан 2-3 нче сыйныф укучылары ФАПка экскурсиягә бардылар. Фельдшерларыбыз Нәбиева Альбина һәм Сабитова Наилә апалар балаларга донорлар турында, аларның кеше гомерләрен саклап калуда ярдәмнәре, донор авылдашларыбыз турында бик мавыктыргыч итеп сөйләделәр. Укучылар арасында үскәч донор булырга теләк белдерүчеләр дә булды. Фельдшер апалары моның өчен сәламәтлекне яшьтән сакларга кирәклекне искәртте.

“Мәрхәмәтле Татарстан”акциясе кысаларында 19 апрель көнне информатика укытучысы Шаһниева Рамилә Рамил кызы укучыларга электрон түләүнең өстенлекләре турында аңлатты, әти-әниләрнең дә бу юл белән түләү мөмкинлекләре булуын ассызыклады.

“Язгы изгелек атнасы” ның икенче  көне “Тарихи туган ягыбызны саклыйк” дип атала. Укучыларыбыз бүген тарих укытучысы Шәфигуллин Наил Фаил улы белән музейга сәяхәт кылдылар, туган ягыбыз тарихына багышланган язмалар белән таныштылар.

1-8 нче сыйныф укучылары арасында Г.Тукай шигырьләрен сәнгатьле уку конкурсы үткәрелде. Башлангыч сыйныф укучылары арасында Шәфигуллин Камил, 5-8 нче сыйныфлар арасында Гайнуллина Зилә "Иң оста шигырь укучы" дип табылды. 

14 нче апрель көнне Яңа Кырлай мәктәбендә VI Республикакүләм Г.Тукай укулары үткәрелде. Әлеге укуларда "Табигать - тиңсез хәзинә" номинациясендә үзе иҗат иткән хикәя белән 8 нче класс укучысы Солтанова Камилә дә катнашты һәм сертификат белән бүләкләнде. (Укытучысы - Юнысова Р.К.)

С 10 по 15 апреля в школе проходила неделя английского языка. Были проведены викторины между учащимися 4-9 классов, красиво оформлен информационный уголок. Учитель английского языка Шагниева Р.Р. показала открытый урок в 4 классе.

Бүген 1-3 сыйныф укучылары белән   «12 апрель-Космонавтика көне» дигән тема астында класс сәгате уздырылды. Укучыларга космосның  нәрсәгә кирәклеге аңлатылды. Беренче тапкыр космоска Лайка исемле этне очыралар. Аннары 3 ел үткәч Белка һәм Стрелка оча. Алар исән-сау әйләнеп кайтып 8 ай үткәч, беренче тапкыр 1961 нче елның 12 нче апрелендә 6 тулып 7 минутта легендар ракета “Восток” Гагаринны  Байконурдан космоска алып менеп китә. Очыш 10 сәгать55 минутта тәмамлана. Беренче космонавт Саратов өлкәсендәге Смеловка авылы янындагы сөрүлек җиренә төшә. Укучыларга шушы мәгълүматлар җиткерелде, космонавтларны космоска ничек әзерләү, аларның ракетада ничек яшәүләре, нәрсә ашаулары аңлатылды.