Бүген лагерь укучылары  Тукай Кырлай музеена экскурсиягә бардылар.  Музейның проекты 1976 нчы елда Бакый Урманче тарафыннан эшләнә һәм 1979 нчы елда сафка баса. Аның стеналары, сынчы ясаган җиһазлар Бакый аганың кул җылысын әле дә саклый кебек. Чөнки аның кулы тимәгән бер җир дә юк музейда. Әдәби китаплардан алган мәгълүматлардан тыш, Тукай абыебызның тормышы, мәхәббәт тарихы, иҗаты белән таныштык. Ул тоткан китаплар, үзе язган язмалар, газеталар, ул йөргән сукмаклар һәм ул яшәгән нигезне күрдек. Экскурсовод аңа багышлап ясалган рәсемнәр, картиналарны иҗат итүчеләр турында да сөйләде. Иң сокландырганы булып, Сәгъди абзый утырткан горур нарат агачы һәм бакча башында урнашкан чишмә булды. Теләгән кеше чишмә суын да авыз итте. Безгә, килгән кунакларга, аңлаешлы булсын өчен, Тукай торган нигезгә яңартып, бераз зурайтып, йорт салганнар (1986 нчы елда). Ихатада салам түбәле абзар, сиртмәле кое, баз, келәт тә урнашкан. Без үзебезне элеккеге чорга кайткан кебек хис иттек. Бу йортның янәшәсендә генә Әхмәтҗан бай йорты бар. Бай авылдан сөрелгәч, йорты китапханә, мәктәп булып та хезмәт иткән. Соңгы елларда музей карамагына тапшырылган, монда экспонатлар җыю әле дә дәвам итә. Бу йортларның эчендәге күренештән, җиһазлардан, кием-салымнардан, савыт-сабалардан кешеләрнең нинди шартларда яшәүләрен күреп шаккаттык. Икесендә ике төрле тормыш, төрле яшәү шартлары булуын күрдек. Безгә сәяхәт бик ошады. Йөз тапкыр ишеткәнче, бер тапкыр күрүең яхшырак ди бит. Сәяхәттән алган тәэсирләр күңелләребездә озак сакланыр әле. 

Бүген көн кояшлы. Иртәнге зарядканы ясап,ашханәдә тәмле итеп ашап алгач, балалар елга буена сәяхәткә бардылар. Су чәчрәтеп уйнадылар,балык-бакаларны күзәттеләр. Иң тәмлесе- тау битләрендә беренче җиләктән авыз иттеләр.

 Төштән соң саф һавада хәрәкәтле уеннар күңелләребезгә хуш килде.

Бакчада матур гына эшләп кергәннән соң, тәмле итеп ашагач Россия киносы елы уңаеннан балалар белән “Каникулы строгого режима” исемле кино карадык.

Көн иртәдән кояшлы,балаларны табигать кочагына дәшеп тора иде.Иртәнге гимнастика ясап, тәннәребезне язып алгач, иртәнге тәмле ашлар ашап алдык.Бүген безнең лагерьда "Балыкчы көне" иде. Балалар өйләреннән бу көнгә зур әзерлекләр белән килделәр. Кармаклар, җимнәр алып без Шушма су буена "Балыкчы көне" үткәрергә киттек. Биредә "Иң күп балык тотучы", "Иң оста балык чиерттерүче", "Иң оста җим ашатучы" дип исемләнгән номинацияләрдә бәйгеләр үткәреп,көннең "Иң оста балыкчысын" билгеләдек. Ул Ровнейко Ильназ булды.

В рамках реализации государственной программы «Стратегическое управление талантами в Республике Татарстан на 2015-2020 годы» с 18 мая по 16 июня 2016 года проходит передвижная выставка «Мой город. Мой талант»,которая направлена на представление возможностей и ресурсов для развития интеллектуально-творческого потенциала талантливой молодежи Республики Татарстан.

14 июня 2016 года прошла  выставка в г. Арске  на базе Арского педагогического колледжа с привлечением в качестве участников  школьников с 12-18 лет и активных граждан до 35 лет. И наши дети отдыхающие в лагере побывали в этой выставке. Они были очень рады.

Бүген дә иртәнге зарядкадан соң бакчада җиң сызганып эшкә тотындык: җир казу, йомшарту, кәбестә төбенә өю,су сибү, чүп утау − барысы да безнең өстә. Кем әйтмешли, кырмыскалар кебек тырыштык. "Җәйге көн ел туйдыра" диләр бит, ел әйләнәсе буена үзебез үстергән яшелчәләр, җиләк-җимешлөр өстәлебездә тора.

Төшке аштан соң балалар белән "Нәрсә?Кайда?Кайчан?" уенын уйнадык.Укучылырга бу уен бик ошады.

Бүген балалар белән мәктәпнең спорт мәйданчыгын чистартык.Озынлыкка сикерү урыннарын,йөгерү юлларын тәртипкә китердек.Ял вакытларында "Көйне таны", почмак алыш кебек уеннарны уйнадык.