Аланның икенче көне күңелле генә башланып китте. Музыка астында иртәнге зарядка ясадылар, яңа көнгә көч тупладылар. Иртәнге тәмле аштан соң, аланлылар тулы автобуслар белән Кушлавычка юл тоттылар.Укучылар Кушлавыч авылындагы Г.Тукай музеенда булдылар. Балалар Габдулла Тукайның тормыш юлы, туганнары турында күп мәгълүмат тупладылар. Музейга сәяхәттән соң, аларны төрле аланнарда эшчәнлек көтеп тора иде. Иң күңеллесе, мөгаен, “Тукай иҗатын өйрәнеп, кем миллионер була ала?” исемле аланда булгандыр.Тирән белемле укучылар бер дә сынатмадылар, дипломнар һәм төрле призлар белән бүләкләнделәр.Төшке ашка аланлылар яңадан мәктәпкә кайтып җиттеләр. Барысы да, шау килеп, ял аланының ачылу тантанасына әзерләнделәр.“Без- Тукай оныклары” чатырлы ял аланының ачылу тантанасына дәрәҗәле кунаклардан Татарстан Республикасы Мәгариф һәм фән министрлыгының милли мәгариф идарәсе җитәкчесе Флера Сәгыйть кызы Сәйфуллина ,Татарстан Республикасы Мәгарифне үстерү институты ректоры Рина Ринад кызы Бәдриева, Арча муниципаль районы хакимиятенең социаль мәсьәләләр буенча урынбасары Рамил Илгиз улы Гарифҗанов,Арча муниципаль районының мәдәният идарәсе җитәкчесе Рамил Рафис улы Мөхетдинов килделәр. Алар укучыларны бәйрәм белән котладылар, күңелле, файдалы ял теләделәр. Бәйрәм әйдаманнарның җыр-биюләре белән үрелеп барды. Кичке сәгать алтыда аланлылар үзләренең чыгышларын тәкъдим иттеләр.Чынлап та, ял аланына бик сәләтле укучылар гына җыелган икән. Алар җырладылар да, биеделәр дә, Г.Тукайның әсәрләрен сәнгатьле итеп тә укыдылар. Шулай итеп,“Без- Тукай оныклары” чатырлы ял аланының икенче көне дә гаять тә файдалы һәм күңелле узып китте.

Бүген, ягъни 4 июль көнне”, “Без – Тукай оныклары “ исемле чатырлы ял аланы эшли башлады.Кырлай  җирлегендә 10 июльгә кадәр дәвам итәчәк әлеге чатырлы ял аланы ТР Мәгариф һәм фән министрлыгы, Татарстан Республикасы мәгарифне үстерү институты, ТРның Арча муниципаль районы, мәгариф идарәсе, Арча педагогия көллияте тарафыннан оештырылды. Катнашучылар географиясенә килсәк, Татарстанның барлык районнарыннан диярлек, шулай ук Удмуртия, Мари-Эль республикаларыннан, Саратов өлкәсеннән, Казахстаннан 12-17 яшьлек 150 яшүсмер катнаша. Безнең мәктәптән  аланда  Кәримова А.(6 нчы сыйныф),Әхмәдуллина Л.(7 нче сыйныф),Хадиева Р.(5 нче сыйныф) ял итә һәм белемен ныгыта. Аланның программасы татар халкының рухи-мәдәни мирасын саклап калу киңлеге булдыруга, анда катнашучыларны татар телен һәм әдәбиятын, мәдәниятен өйрәтүгә, шулай ук тормышның төрле өлкәләрендә туган телне гамәли файдалану күнекмәләрен үзләштерүгә, Г.Тукайнын тормыш юлын һәм иҗатын тирәнтен өйрәнүгә юнәлтелгән. Анда танылган шәхесләр, республиканың мәдәният, сәнгать, фән өлкәләре вәкилләре, җәмәгать эшлеклеләре белән очрашулар, остаханә дәресләре уздыру, Кушлавыч авылы, Г.Тукай мемориаль, Казан-арты этнография, Әлифба музеена сәяхәт кылу күздә тотыла.
 

Мәктәп бакчасында җәйге эшләр тулы көченә бара. Балалар чүп утыйлар, су сибәләр.

Мәктәп бакчасында җәйге эшләр дәвам итә. Балалар су сибәләр, чүп утыйлар, матур-матур чәчәкләр үстерәләр.

Бүген  балалар авыл китапханәсендә булдылар.

       Бүген "Самостоятельные дети " проекты кысаларында һәм актив сәламәт рәвеше пропагандалау максатыннан проектта катнашучылар флешмоб үткәрде. "Самостоятельные дети " проекты членнары укучыларны да җәлеп итеп позитив музыка астында рәхәтләнеп биеделәр, күңел ачтылар, көн буена җитәрлек көч һәм энергия тупладылар.

Бүген лагеребызның соңгы көне.Матур гына бакчада эшләп кергәннән соң, барлык уен бүлмәләрен җыештыргач, укучыларыбыз үзләренең истәлекле көннәрен дәфтәр битләренә төшерделәр һәм сау буллашып өйләренә таралыштылар

Бүген иртәдән яңгыр яуды.Ләкин балалар барысы да лагерьга килделәр. Балалар бүген әкиятләргә композицияләр эшләделәр. Куркынычсызлык кагыйдәләре аңлатылганнан соң, 5 төркемгә бүленеп, пластилиннан әкият геройлары әвәләделәр.Аларны бик матур итеп урнаштырып,күргәзмә оештырдык.Урыннар билгеләдек.

Көннең икенче яртысында, урамда төрле-төрле уеннар уйнадылар. Көнебез бик күңелле үтте. 

Лагерь тәмамланырга санаулы көннәр генә калды.“Шушма” балалар сәламәтләндерү лагеренда ял итүче балалар  вакытларын бик күңелле һәм кирәкле итеп уздырдылар.  Балалар  лагерьда ял да итәләр, хезмәт белән дә чыныгып үсәләр. Алар мәктәп бакчасында  үзләренең практикаларын эшлиләр. Лагерьда  ял белән хезмәт аралаштырып барыла.  Вакытлары бушка үтми. Балалар үзләре дә бик шат.

Көннең икенче яртысында укучылар белән баскетбол уйнадык.

Иртәгә лагерыбызның ахыргы көне булганлыктан лагерьгә йөрүче балалар белән табигать кочагына ял итәргә бардык.Анда төрле уеннар уйнадык,тәмле итеп чәйләр эчтек,барлык балаларга да бик күңелле булды.Балалар шат күңел белән өйләренә таралаштылар.