Бүген мәктәпнең актлар залында 2-3 класс укучылары катнашында "Баз бакасы " дип исемләнгән театральләштерелгән тамаша күрсәтелде. Укучыларның оста чыгышлары, матур костюмнар, зәвыклы декорация - театр түгәрәге җитәкчесе Гөлфия Шамилевна һәм "Оста куллар" түгәрәге  җитәкчесе Гөлнара Фирдаусовна һәм иҗат  түгәрәкләрен яратып йөрүче,тырыш, талантлы укучыларның бердәм хезмәте

       Сәламәт яшәү рәвешен пропагандалау максатыннан һәм 27 ноябрь-Әниләр көне белән тәбрикләп "Самостоятельные дети" проекты әгъзалары "Сәламәт әни-сәламәт бала!" акциясен үткәрделәр. Авылдагы төп  урамга чыгып, әниләрне бәйрәм белән котладылар, аларга җылы сүзләр язылган "йөрәк"ләр тапшырдылар, кулларына  кояш төсендәге ленталар бәйләделәр. Кадерле әниләрне 30 ноябрь көнне Шушмабаш мәдәният йортында узачак "Әнкәй җирдә иң зур кеше!" дип исемләнгән концертка чакырдылар.

Ноябрьнең соңгы якшәмбесендә кешелек дөньясы Әниләр көнен бәйрәм итә.  Шушы  уңайдан  башлангыч сыйныф укучылары үз куллары белән бүләкләр ясады.  Әни кеше өчен баласының күңел җылысын биреп әзерләгән бүләктән дә зур әйбер бар микән?! Һәр балага әни сүзен әйтеп үсәргә насыйп булсын.

Атналык дәвамында укучыларыбыз кроссворд һәм ребуслар чишү белән мәшгуль булдылар. Эш биремнәре даими алышынып торды. Мавыктыргыч биремнәр белән тәнәфесләр озынлыгы да сизелмәде.

Укытучы гомер буе укый - өйрәнә - бу барлык кешеләргә дә билгеле чынбарлык. Укытучы һәрвакыт үсештә һәм барлык эшләү дәверен эзләнеп үткәрә. Бары тик фәнни - методик эшчәнлеге, эзләнүләре укытучыны профессионал дәрәҗәсенә үстерә ала.

    Кем ул укытучы – профессионал?  Ирланд педагогы Эндрю Берк бу турыда менә нәрсә дигән: “Профессионал – ул шундый кеше, кем билгеле бер шартларда эшли ала, кем икеләнүләрен җиңә, тәҗрибәле , кыю рәвештә карарлар кабул итә, аларны нәтиҗәле куллана, әгәр ул карарлар дөрес булмаса  я эшләмәсә, аларны үзгәртергә көче җитә.”

    Алдагы юллар нәкъ менә безнең мәктәбебезне быелгы уку елында тагын бер биеклеккә күтәрү өчен үзенең бөтен көчен куйган, бар иҗатын эшкә җиккән, чын мәгънәсендә  заманча күркәм  укытучы булган - коллегабыз Чулпан Миннуловна Самигуллина турында.

    Чулпан Миннуловна конкурсның һәр этабында үзенең искитмәле хезмәтен матур тәкъдим итә белде. Һәр турдан югары баллар һәм көчле алкышлар, сокланулар җыйды. Коллегабыз үзен  горур  йөртерлек лаеклы урын яулады.

Чын күңелебездән аны котлап, куанабыз һәм горурланабыз.

    Укытучының бөтен гомере балалар күз алдында үтә. Алар хәтер көндәлекләренә үзләренең билгеләрен куеп баралар. Педагогның эшен аның профессионал осталыгы, берәүне дә аерып карамыйча яратуы, хөрмәте характерлый.

   Укыту - тәрбия процессы мәшәкатьле, ыгы-зыгылы, тынгысыз процесс.

Ул сабырлык, түземлек, ягымлылык сорый. Болардан башка укытучы беркайчан да талантлы да, остаз да, профессионал да була алмый. Коллегабызны Ходай менә шушы сыйфатлар белән бүләкләгән  дә инде.

   Эшеңдә дә, тормышыңда да уңышлар сиңа  Чулпан Миннуловна!

Бүген 1 сыйныфта  узган  тәрбия сәгатендә укучылар дуслык серләренә төшенделәр. Эш барышында балаларга Абдулла Алишның "Чукмар белән Тукмар" әкияте күрсәтелде. Төрле сораулар . мавыктыргыч биремнәр  аша дуслыкның мөһимлегенә басым ясалды.

Бүген 1 класс укучыларының әти-әниләре балаларын "Укучылар сафына кабул итү" тантанасына җыелдылар. Бу көнне балалар югары әзерлек белән зарыгып көтте. Бәйрәмнең бизәге булган Белмәмеш укучыларга төрле биремнәр. кызыклы мәсьәләләр тәкъдим итте. Бәйрәм матур җырлар, шигырьләр белән үрелеп барды.

Дәресләр төгәлләнгәннән соң укучыларны бүген культуралы ял көтте. Түгәрәк җитәкчесе Вильданова Г.Ш. җитәкчелегендә 2-3 класс укучылары Ф.Яруллинның "Баз бакасы" исемле спектаклен сәхнәләштерде.  Сәхнә бизәлеше, матур костюмнар, җырлы-биюле күренешләр тамашачыны үзенә җәлеп итте. Афәрин!

4 класс укучылары укытучылары Сөнгатуллина Ф.М. белән берлектә мәктәбебез укытучыларына рус теле дәресе күрсәттеләр. Дәрестә чит телдән кергән сүзләрнең дөрес әйтелешенә һәм язылышына басым ясалды. Сингапур структуралары аша биремнәрнең катлаулылыгы сизелмәде дә. Һәркемгә үрнәк алырлык бу дәрес күңелләрдә якты тәэсирләр калдырды.