Бердәм Дәүләт имтиханнарына әзерлек дәвам итә. Бүген 11 класс укучылары химия һәм биология фәннәреннән пробный БДИ тапшыралар.

  Бүген  иртәнге  тәрбия сәгатьләрендә "Шәфкатьлелек дәресләре" үтте. Класс җитәкчеләре укучыларның яшь үзенчәлекләрен исәпкә алып, презентацияләр һәм видеоматериаллар ярдәмендә укучыларның күңелләрен матур гамәлләргә, ачык төсмерләргә баеттылар.

Информатика укытучысы Нуриҗанов Э. Т. JunirSkills федераль күләм үткәрелгән белем күтәрү укуларында булып кайтты.

Бүген мәктәптә "Сәйлән" театр төркеменең иҗади отчет концерты узды. Бәйрәм өстәмә белем бирү педагоглары Вилданова Г.Ш., Шавалиева ГФ. эшчәнлекләрен бәяләү максатыннан да оештырылган иде. Кичәдә хөрмәтле кунаклар Арча мәгариф идарәсе башлыгы Дәүләтбаев З.М. , Арча сәнгать мәктәбе директоры  Сабирова Г.Б.,  , Кенәр балалар иҗат йорты директоры Зарипов Х.Х. катнашты. Кунаклар өстәмә белем бирү педагоглары эшчәнлегенә югары бәя бирделәр, укучыларның иҗади мөмкинлекләренә, сәләтләренә соклану белдерделәр.

Шекә башлангыч мәктәбендә яңа елга хәзерлекләр бара .Тышта сыннар ясалды.  Салкын саф һавага,

                        Йомшак кар ява.

                                                                                                                    Урамга чыксаң,

                       Битләр кызара.

                           Кар бөртекләре

                 Өстеңә куна,

                   Үзләре матур

                            Һәм салкын була.

Бүген 7.30 да табигать фәннәре атналыгы кысаларында  актлар залында  8-11 класс укучыларына  биология укытучылары әлеге фәннәрнең төп терминнарыннан торган диктант яздырды. Уйлау, язу эше күпләрне кызыксындырды.

Бүген табигать фәннәре атналыгы кысаларында 8 класс укучыларына химиядән 11 класс укучысы Гарифуллина Гүзәл укытучылары Лилия Шагимулловна контрольлегендә "Һаваның составы " темасына дәрес бирде. Күп олимпиада эшләрен чишүче, имтиханга намус белән әзерләнүче укучы  дәрестә нәкъ укытучыларча эш алымнары кулланып теманы ачты. Презентация, видео аша материалны җиткерде, такта янында укучыларны эшләтү, реакция тигезләмәләрен язу, хаталары чыкса тиз генә төзәттерү  укытучы - укучының  нигезле белеме барын күрсәтә.Бәлки, кем белә, чыгарылыш укучыбызга укыту эше охшап китәр.Алай булганда без  куанырбыз гына.

Бүген 9-11 класс укучылары өчен БДИның кайбер сорауларына җаваплар бирү юнәлешендә әзерләнгән иртәнге беседа уздырылды. Имтиханга әзерләнүче укучыларга әзерлек  эшен  ничек алып барырга кирәклеге, һәр класс материалын кабатлау өчен вакытны дөрес бүлү мөһимлеге һәм иң еш очрый торган темаларның кайберләрен ачыклаган видео язмалар күрсәтелде.