Бүген 8 класс укучыларын "Химикларга кабул итү" тантанасы булды. 11 класс укучылары укытучылары җитәкчелегендә 8 класс укучыларын төрле биремнәр, сораулар белән сынадылар, кызыклы тәҗрибәләр күрсәттеләр.Кичә ахырында һәр укучы яхшы укучы булырга тантаналы вәгъдә бирде. Фатхрахманова Л.Ш. укучыларга "Яшь химик" сертификаты тапшырды.

15-16 декабря на базе Германо-российского института новых технологий проходит форум "Открытие новых талантов 2016" в рамках реализации Государственной программы "Стратегическое управление талантами в Республике Татарстанна 2015-2020гг". Пожелаем нашей коллеге Муртазиной Ф.С. успехов в защите проекта. 

Бүген биология укытучылары Хадиева Р.Р  9 класс укучыларының  "Эволюция" бүлеген үзләштерүдәге белемнәрен ныгытты, тикшерде, яңартты. Дәрес уен - сәяхәт формасында барды. Сәяхәтнең һәр тукталышында төрлечә сыналу, белемне тикшерү биремнәрен үтисе булды. Һәр эшчәнлек имтиханга файда.

Бүген 10 класс укучылары үзләрен  биологиядән "Көчсез буын" уенында сынап карадылар. "Метаболизм"бүлеген укучылар әлеге  уен аша гомумиләштерделәр.  Аксым биосинтезы,  фотосинтез, АТФ синтезын укучылар яхшы үзләштергәннәр: төрле катлаулыктагы сорауларга җавапны тиз таптылар алар. Иң  "көчле буын"- Шаяхметова Н. уенның җиңүчесе булды. 

Бүген 7.30 да актлар залында география укытучысы Хадиева Р.Р.  5-8, 10 класс укучыларын   география фәненең тарихы, географик объектлар турында белешмәләр, мавыктыргыч географиянең 10 фактын яктырткан видео язмалар белән таныштырды.

     Бүген атналык кысаларында һәм укучыларның иҗади активлыкларын, танып белү сәләтләрен үстерү максатыннан 9 классларда ачык түгәрәк занятиесе узды. Түгәрәк җитәкчесе Хадиева Р.Р.   хайваннар классификациясен уен элементлары аша оста тикшереп, укучыларның төркемнәрдә эшчәнлеге аша яңа белем һәм күнекмәләр формалаштырды. Укучыларның фән белән кызыксынучанлыкларын тагын да арттыру максатыннан үткәрелгән бу чара һәркемгә күп яңалык өстәде.  

  Бүген табигать фәннәре атналыгы кысаларында башлангыч класс укучыларын Химия фәне белән таныштыру кичәсе булды. Химия укытучысы Фатхрахманова Л.Ш. үзенең 11 класс укучылары белән нәни дусларга фәннең кызыклыгын, кирәклеген, авырлыгын тәҗрибәләр, күрсәтмә материаллар, мультфильмнар аша аңлатты. Укытучы   укучылар белән 8 нче класста чын химия дәресендә очрашырга сүз куешты.

5-6 класс укучылары бүген "Сәламәтлек каруселе"ндә катнашып, үзләренең хәтерләрен сынап көч сынаштылар. Биология укытучылары Самигуллина Ч.М. һәм Хадиева Р.Р. укучыларны кеше организмының чиксез мөмкинлекләре белән таныштырды, тренинг һәм практик эшләр аша хәтер ныгыту ысуллары турында җиткерделәр.

Бүген мәктәптә социаль ярдәм күрсәтү үзәге белгечләре Давлетшина Н.Р., психолог Шафигуллина Л.Н., ГАОУ ЦРБ акушеры Бадретдинова А.Г.  белән эшлекле очрашу булды. Белгечләр укучыларны районда профилактик эшнең торышы, җинаять һәм хокуку бозу очраклары турында информация бирделәр, хокук бозуларны булдырмау максатыннан укучыларны норматив база белән таныштырдылар.