1 апрельдән-25 майга кадәр Татарстанда традицион «Экояз»республика бәйгесе старт алды. Узган елдагы кебек үк, бәйге экологик квест формасында уздырыла, аның биремнәре атна саен үзгәрәчәк. Быел " ЭКОяз " Ватанны саклаучылар елына һәм Бөек Ватан сугышында Җиңүнең 80 еллыгына багышланган.

Зурлар  һәм мәктәпкә әзерлек төркемендә математика шөгыле.Максат:  үзлекләреннән  кушу, алуга арифметик мәсъәләләр төзергә, чишәргә өйрәтү эшен дәвам итү;  шакмаклы дәфтәр битендә дөрес ориентлашу күнекмәсен камилләштерү; шартлы үлчәү ярдәмендә предметларның озынлыгын үлчәү алымын камилләштерү; логик фикерләү сәләтләрен, хәтерләрен яхшырту.

Арча муниципаль районы мәгариф идарәсе тарафыннан «Сыерчык оясы» ясау конкурсы узды. Конкурсның  максаты:  балаларда табигатькә карата сакчыл караш тәрбияләү. Бу конкурста бакчабызда тәрбияләнүче балаларыбыз әтиләре белән бергәлектә бик матур оялар ясадылар. Кош оялары төрле формада һәм зурлыкта килеп чыкты, иң мөһиме сыерчыклар өчен уңайлы булуы шарт булып тора. Агачларга сыерчык оялары кую-борынгы халык традициясе. Янәшәдә яшәүче кошлар табигатькә бәяләп бетергесез ярдәм күрсәтеп кенә калмый, ә безне, туган авылыбыз халкын, үз җырлары белән сөендерә дә.

Бүген бакчабызда тәрбияләнүче балалар һәм башлангыч мәктәп балалары берлектә татар халкының милли бәйрәме - "Нәүрүз бәйрәмендә" катнаштылар. Нәүрүз - халыкның кышны озатуы, язны каршылау бәйрәме. Бу бәйрәм борынгыдан ук килгән. Нәүрүз бәйрәме көнне балалар йорттан йортка кереп, Нәүрүз такмагын әйтеп, хуҗаларга бәхет, уңышлар теләгәннәр. Хуҗалар ботка өчен ярма, йомырка, май биргән.
Бу бәйрәмне ел саен билгеләп үтәбез. Балалар бәйрәмчә матур киенеп, өйләргә йөреп уеннарга бүләкләр җыйдылар, такмаклар әйттеләр.Бәйрәмнең икенче өлеше саф һавада, урамда үтте. Балалар көн белән төн тигезләшкәндә үткәрелә торган әлеге бәйрәмне бик күңелле билгеләп уздылар. Кыш бабай белән Нәүрүзбикә “көч сынаштылар”: аркан тартыштылар, табышмаклар әйттеләр, биеделәр, кашыкка йомырка салып йөгерделәр. Әмма яз кызының көче күбрәк иде - ул җиңде. Кыш бабай биреште, тик үпкәләмәде.  Фольклор бәйрәмнәрен уздыру балаларыбызда телебезгә карата мәхәббәт хисләре, әхлак тәрбисе уятырга ярдәм итә, борынгы гореф-гадәтләрне онытмаска өйрәтә.

17 марта МБОУ"Шушмабашская СОШ" прошло собрание первичной профсоюзной организации по принятию изменений и дополнений в коллективный договор между администрацией и профсоюзным комитетом на 2026 год.

Мәктәпкә әзерлек һәм зурлар төркемендә рәсем шөгылендә "Уен бүлмәсенең почмагын ясау" темасына рәсем. Балаларның композицион күнекмәләрен үстерү, сурәтләрне киң яссылыкта урнаштырырга, предметларның кайда урнашуларына карап (алгы, урта, арткы планда), аларның күләмнәре аермасын рәсем аша күрсәтә белергә өйрәтү. Ясарга ниятләгәнне сюжет аша җиткерә белү күнекмәләрен ныгыту.

«Ни өчен орлыкларны, үсемлекләрне балчыкка утырталар?»

Максат: Балаларда барлык тереклек ияләренә карата шәфкатьлелек, табигатькә сак караш тәрбияләү. Балаларның тикшерү, тәҗрибә үткәрү эшчәнлеге нигезендә экологик фикер йөртү, иҗади хыял сәләтләрен үстерү. Балаларның туфрак турындагы күзаллауларын киңәйтү, бүлмә гөлләре, экологик бәйләнешләр белән таныштыруны дәвам итү.

Кадерле хатын-кызлар, Халыкара хатын-кызлар көне белән! Яз урамда гына түгел, күңелләрегездә дә чәчәк атсын, ә матурлыгыгыз тирә-юньдәгеләрне сөендерсен. Сезгә бәхет, иминлек һәм уңышлар юлдаш булсын. Сезнең барлык көннәрегез дә кояшлы, якты һәм истә калырлык булсын, гаиләләрдә татулык хөкем сөрсен, тормышларыгыз матур булсын. 8 Март белән тәбрик итәбез!

Бүген бакчабызда 8 март Халыкара хатын-кызлар көне уңаеннан бәйрәм иртәсе булды. Кунак булып балаларыбызның яраткан, кадерле әниләре, әбиләре, дәү әниләре килгән иде. Бәйрәм балаларыбызның матур шигырьләре, җырлары, биюләре белән үрелеп барды. Үзләренең нәни куллары белән ясаган бүләкләрен әниләренә тапшырдылар. Бәйрәм бик матур булды.

Балалар бакчасында нәни дусларыбызның туган көннәрен матур итеп билгеләп үтәбез. Бүген Айзиләбезгә  5 яшь тулды. Аны котларга Куян кызы килгән иде. Ул балаларны биетеп, тәмле күчтәнәчләре белән сыйлады. Рәхмәт.