Зурлар һәм мәктәпкә әзерлек төркеме белән математика шөгыленнән сыек матдәләрне үлчәргә өйрәндек, эш дәфтәрләрендә бирелгән биремнэрне үтәделәр.

Кисеп ябыштыру шөгыле  балаларның иң яраткан шөгыльләренең  берсе булып тора. Аларның төсле матур кәгазьләргә карап күңелләре күтәрелә, шулай ук кисеп ябыштыру техникасы балаларның кызыксынучанлыкларын арттыра. Кисеп ябыштыру шөгыле балаларның  сөйләм үсеше белән дә бәйләнгән. Балаларның сүзлек запаслары арта.  Мәктәпкәчә яшьтәге төркемдә тәрбияләнүче балалар да кисеп ябыштыру шөгылен үз итәләр. Бүгенге шөгыльдә без балалар белән төсле кәгазьдән "Яңа ел" открыткасын ясадык. Балаларга бик ошады.

Мәктәпкәчә балачак –бала тормышының иң әһәмиятле чоры. Шушы  чорда ул кечкенә тикшерүчене  хәтерләтә. Алар зур кызыксыну белән әйләнә-тирә мохитны өйрәнәләр.Бала эшчәнлегендә никадәр төрлелек булса, баланың һәрьяклы үсеше камилрәк була. Менә    шуңа күрә дә балалар бакчасында сурәтләү эшчәнлегенә зур игътибар бирелә.Сәнгать эшчәнлеге балага зур сөенеч китерә. Бу эшчәнлек вакытында  балалар үзләренең күргән,тойган әйберләрен сурәтләп кенә калмыйлар, ә предметка хас үзенчәлекле билгеләр белән дә танышалар .     Мәктәпкәчә яшьтәге балалар өчен рәсем эшчәнлеге иң кызыклы эш төрләреннән санала.Рәсем эшчәнлеге балаларның иҗади мөмкинлекләрен  ачарга  ярдәм    итә. Без бүген зурлар һәм мәктәпкә әзерлек төркемендәге балалар белән "Тылсымлы кош" ясадык.

Көн саен көндезге йокыга кадәр, йокыдан соң мәктәпкәчә яшьтәге төркем  балалары аяк табаннарының кан йөрешен яхшырту өчен махсус ясалган юл буйлап йөриләр. Шулай ук  бу күнегүләр яссы табанлылык профилактикасы да булып торалар. Балалар бу массаж юлыннан бик теләп атлыйлар.

Бүген кечкенәләр төркеме белән рәсем шөгылендә бармаклар ярдәмендә зәңгәр төстәге кәгазь битенә кар яудырдык.
Зурлар һәм мәктәпкә әзерлек төркеме математикадан сәгать макетында вакытны билгеләү күнекмәсен, шакмаклы дәфтәр битендә дөрес ориентлашу күнекмәсен ныгыту, күппочмаклар турында белемнәрен баету, бишпочмаклык, алтыпочмаклык геометрик фигуралар белән таныштыру булды.

Бүген балалар бакчасында "Әнием-иң кадерлем" дип исемләнгән бәйрәм булды. Балалар әниләренә багышлап матур шигырьләрен сөйләделәр, җырладылар, биеделәр. Бәйрәм бик күңелле булды.

Бүген Арча 5 нче балалар бакчасында тәрбиячеләр "Осталык дәресе" (Мастер класс) күрсәттеләр. Тәрбиячебез Каюмова Гүзәл Наил кызы "Иң яхшы мастер-класс" район конкурсында 3 нче урынга лаеклы булды. Котлыйбыз!

Бүген 20 нче ноябрьдә Арчабызның  6 нчы мәктәбендә татар теле буенча район күләм үткәрелгән"Татарча өйрәнәм" олимпиадасына  бүләкләнү тантанасы узды.  Бакчабыздан  Камалетдинов Фирдүс 3 нче урынга лаек булды. Афәрин! 
Алга таба да   уңышлар телибез!

Балалар бакчасында кисеп ябыштыру шөгылен  балалар бик ярата.  Бу шөгыль балаларның сәләтен төрле яктан ача. Аларның кисеп ябыштырганда , кул чукларына күнегүләр ясала. Предметларның зурлыклары, формалары , төсләре, күләмнәре һәм аларның пространстводагы урыннарын бала иң беренче чиратта кул белән тотып карау нәтиҗәсендә өйрәнә. Шуна күрә кечкенәдән кисеп ябыштыруга зур игътибар бирү мөһим. Кечкенәдән балаларның кулы төрле күнекмәләр эшли белергә тиеш, чөнки мәктәпкә кергәч, алар тиз язу күнекмәләрен үзләштерә башлыйлар. Шуңа күрә кисеп ябыштыруга зур игътибар бирелә.  Бүген  алар кисеп-ябыштыру  шөгылендә  "Аквариумда балыклар" темасына эш башкардылар.

Бүген  14 ноябрь Арча шәһәренең 3 номерлы мәктәбендә“Мин татарча өйрәнәм” олимпиадасының муниципаль туры үтте. Безнең бакчабызның данын яклап Камалетдинов Фирдүс бүгенге олимпиада да катнашты. Аңа алда уңышлар теләп калабыз.