Безнең бакчада көз бәйрәме булып узды. Бәйрәмдә балалар  җырлар башкарды, шигырьләр сөйләделәр, матур уеннар уйнадылар. Чара бик күңелле үтте.

 6 ноябрь-Татарстан Республикасында Конституция кабул ителгән көн. Балалар Татарстан флагы һәм гербын ясап буядылар, гимн тыңладылар. Татарстан Республикасы турында презентация күрсәтелде,тәрбияви әңгәмә үткәрелде.

Безнең балалар бакчасында Халыклар бердәмлеге көненә багышланган тәрбия сәгате үтте. Максат - әлеге бәйрәм белән танышу, балаларның туган як турында күзаллауларын киңәйтү, аларны халык традицияләренә тарту.Мондый чаралар балаларда үз Ватаны өчен горурлык, патриотлык хисе тәрбияли.

Бүген 31 октябрь көнне Арча район башлыгы Алмаз Гаптераупович җитәкчелегендә авыл җирлеге башлыклары катнашында Шушмабаш авыл җирлегендә эшлекле семинар үтте. Безнең Шекә балалар бакчасы да мөхтәрәм кунакларны каршы алды.

Хөрмәтле әтиләребез!
Сезне әтиләр көне белән кайнар котлыйбыз! Сезгә исәнлек - саулык, бәхет телибез. Гаиләгезгә ныклы терәк булып, якыннарыгызга кирәк булып, озын - озак гомер кичерегез...

Балалар бакчасы мәйданчыгында  көзге эшләр. Сулган чәчәкләрне җыйдык, язга орлыклар әзерләдек, агач, куакларны тигезләп кистек, мәйданчык тирәсен тәртипкә китердек.

Мәктәпкә әзерлек төркемендә математика шөгыле.

Безнең балалар бакчасында тәрбияләнүче балалар "Рисунок для солдата" акциясенә кушылдылар.Илләребез тыныч ,күкләребез аяз булсын дигән теләктә калабыз.

Кечкенәләр төркемендә кисеп-ябыштыру шөгыле.

Физкультура балалар бакчасында -ул баланың гомуми үсешенең мөһим өлешләреннән берсе. Әлбәттә, барлык ата-аналар да үз сабыйларын актив, сәламәт һәм шат күңелле итеп күрергә тели. Ул һәрвакыт шундый булып калсын өчен, нигезне балачактан ук салырга кирәк.  Баланың сәламәтлеген тәэмин итү өчен балалар бакчасында мәҗбүри физкультура дәресләре үткәрелә. Зур теләк белән барлык төркем балалары физкультура белән шөгыльләнәләр.