12 апрель -Бөтендөнья Космонавтика көне. Бу көнне  мәктәбебездә  космонавтикага багышланган тәрбия чаралары, рәсем конкурсы уздырылды. Укучыларга космос, аны өйрәнү тарихы, бу өлкәдә эшләгән галимнәр, беренче очучы-хайваннар, беренче космонавт Ю.А.Гагарин, беренче хатын-кыз космонавт В.Терешкова, космонавтлар, космик очышлар тарихы турында бик бай мәгълүмат бирелде. 

"Галәмдә - Кеше батырлыгы!" темасы астында Косманавтика көне уңаеннан 1-9 клаас укучылары арасында рәсем конкурсы үткәрелде. Укучылар космик корабльләр, Ю.Гагаринны  галәмдә чагылдырган рәсемнәр ясадылар. 

Бүген мәктәбебездә ата-аналар җыелышы уздырылды. Җыелышның көн тәртибе:

1. Өченче чирек нәтиҗәләре, алдагы чиреккә бурычлар. ОГЭ әзерлек.

2. Доклад "Тәмәкенең кеше организмына зыяны"   Гарипова Л.Н.

3. Класс җитәкчеләре чыгышы.

Бүген мәктәбебездә Бөтенроссия конкурсы "Зирәк тиен"  үткәрелде. Әлеге конкурста 14 укучы  катнашты. Алар татар теле буенча үзләренең белемнәрен күрсәттеләр. 

Әзәк башлангыч мәктәбендә "Кошлар- безнең дусларыбыз!" исемле кичә үткәрелде. Укучылар кошлар тормышыннан күп кенә кызыклы мәгълүмат алдылар. Үзләренең яраткан кошлары турында сөйләделәр, табышмакларның җавабын таптылар, кошлар сайравын тыңлап, аларны тавышларыннан аердылар, шигырьләр сөйләделәр.Кайбер кошлар турында сынамышлар әйтештеләр.Сыерчыклар килешкә оялар ясап килгән иделәр, аларны урнаштырып куйдылар.

Мәктәбебездә Сингапур методикасы структураларын кулланып, дәресләр үткәрү матур традициягә әверелеп бара. 6 нчы класста Хәбибуллина Гөлназ Галимҗан кызы әлеге методика буенча татар әдәбияты дәресендә "Минем дусларым" темасына бәйләнешле сөйләм телен үстерү дәресе үткәрде.

Мәктәбебез укучылары инде берничә ел Бөтенроссия күләмендә узучы "КИТ- компьютер, информатика, технологии" конкурсында катнашып киләләр. Быел мәктәбебездән 26 укучы үз көчләрен сынап карадылар. Көттергән нәтиҗә мәгълүм булды. Ике укучыбыз: Хөсәенов Илназ һәм Галиахметова Эльвина дипломга һәм бүләккә лаек булдылар. Конкурста катнашучы калган укучылар да КИТ  логотибы төшерелгән истәлекле блокнот белән бүләкләнделәр.

Мәгариф һәм фән министрлыгының 26.03.2015 нче елгы № 2035/15 нче хаты һәм Арча районы Мәгариф идарәсенең 1.04.2015 нче елгы приказы нигезендә 13-15 яшьлек укучылар арасында социаль-психологик сорашулар үткәрелде.  

Бүген тирә-юньне кардан чистарту максатыннан, укучылар һәм укытучылар өмәгә чыктык. Тизрәк мәктәп тирәсен кардан арындырып, мәктәбебез территориясе балкып утырса иде. Тиздән җир арчылыр, язгы эшләр башланыр.

9 нчы классларда  бүген тагын урак өсте. Алар татар теле фәненнән бердәм республика тесты эшләделәр.