Һәр шимбә көнне без мәктәп яны территориясен җыештырырга чыгабыз. Көннәр генә саран тора, ныгытып җыештырырга ирек бирми. Ә без бирешмибез!!!

Бүген 4  нче  класс  укучылары  Республика күләмендә үткәрелгән белем бирү сыйфатын  бәяләү мониторингында катнаштылар.  Математикадан  йомгаклау эшен эшләделәр. 

Бүген татар  халкының  бөек шагыйре Габдулла Тукайның  тууына 129 ел тулуга багышланган "Тукай -сүнмәс йолдыз ул"  дигән   Тукай иҗатын яратучылар кичәсе үткәрелде.   Кичәдә барлык укучылар да катнашты. Бигрәк тә башлангыч сыйныф укучылары активлык күрсәттеләр.  Алар Г.Тукайның шигырьләрен яттан сөйләделәр. Югары класс укучылар  шагыйрьнең  җырларын башкардылар, әкиятләрен сәхнәләштерделәр.  

Язгы игелек атнасы кысаларында бүген " - Самостоятельные дети"  оешмасына керүче укучыларыбыз Иске Кырлай балалар бакчасында кунакта булдылар. Алар нәни дусларыбызга яхшылык һәм яхшы гамәлләр турында сөйләделәр, бер-берегезгә карата мәрхәмәтле, ярдәмчел булыгыз дип киңәш иттеләр, уеннар уйнадылар. Әлеге очрашуның истәлеге итеп, яхшы гамәлләр генә кылыгыз дип өндәп торсын өчен, кызыклы шарлар бүләк иттеләр.

Одно из направлений работы нашей школы: «Экологическое воспитание школьников», поэтому учащимися школы часто проводятся акции по благоустройству территории школы и близлежащих улиц. Сегодня была проведена акция: «Живая природа» активное участие приняли учащиеся 5 – 9 классов.         

Апрель ае -Тукай ае. Шул уңайдан мәктәп китапханәсендә татар халкының сөекле шагыйре - Габдулла Тукай иҗатына, тормыш юлына карата күргәзмә ясалды.

Табигатьне саклау - һәр кешенең изге бурычы ул. Шуны искә алып 1992 елның 22 нче апреленнән алып бу көн - Бөтендөнья Җир көне дип исәпләнә.   Безнең планетабыз бик нык пычранган, без зур бер чүплектә яшәгән кебек,  ләкин кешелек әле моны аңлап бетерә алмый. Без бүген Җирдә яшибез, шуңа күрә Җиребезне сакларга бурычлыбыз. Без Җир планетабызның язмышына битараф түгел һәм аның әкияттәгедәй матур булып калуын телибез. Яхшылыкка, матурлыкка, күркәм киләчәккә омтылу теләге без әлеге кичәгә әзерләндек.

Балалар китабы атналыгы эш планы буенча Габдулла Тукайның тууына 129 ел булу уңаеннан башлангыч класс укучылары белән "Тукай- балалар шагыйре" дип аталган әдәби кичә үткәрелде. Тукайның  шигырьләре, әкиятләре буенча төшерелгән татарча мультфильмнар карадылар. Ахырдан "Минем яраткан героем" темасына рәсем ясадылар.

Мәктәп китапханәсендә Габдулла Тукайның тууына 129 ел уңаеннан “Китап сөючеләр атналыгы” планы төзелде. Бүген  1-4 класс укучылары белән   “Тукай эзләре буйлап” дип исемләнгән  кичә үткәрелде. Укучылар Г.Тукайның тормыш юлы, иҗаты белән таныштылар, шигырьләрен сөйләделәр, Тукай әсәрләре геройлары турында сорауларга җавап бирделәр. 

Мәктәбебездә "Язгы мәрхәмәтлек атнасы" башланып китте.  Бер-беребезгә, тирә-юнебезгә карата мәрхәмәтле булыйк!