Бүген лагерьнын соңгы эш көне. Бүген без Сабантуй бәйрәме үткәрдек. Балалар кашыкка йомырка куеп йөгерделәр, таяк тартыштылар, бүләкләр кисеп алдылар, чүлмәк ваттылар, концерт куйдылар. Лагерьның соңгы көне бик күңелле узды.

Бүген егетләр арасында "Мистер лагерь" конкурсы үткәрелде. Егетләр үзләренең һөнәрләрен күрсәттеләр, тизлеккә, җитезлеккә биремнәр үтәделәр, кызларга багышлап җырлар җырладылар. Молодцы егетләр, берегез дә сынатмадыгыз. Мистер лагерь исеменә 3 класс укучысы Сибгатуллин Адель лаек булды. Котлыйбыз аны!

Бүген лагерьдә кызлар арасында "Лагерь чибәре" конкурсы уздырдык. Кызлар матур итеп үзләре белән таныштырдылар, һөнәрләрен күрсәттеләр, җырладылар, биеделәр. Егетләр кызларыбыз чыгышларын алкышларга күмделәр.

Бүген лагерьда ял итүче балалар белән авыл китапханәсенә кунакка килдек. Китапханәче Хамзина Венера апай балаларны бик җылы каршы алды, "Иң оста шигырь укучы" конкурсы оештырды. "Иң оста шигырь укучы булып - Сибгатуллин Адель табылды. 

Лагеребызда яллар дәвам итә. Бүген без балыкка бардык. Иң оста балык тотучыларыбыз - Ахметшин Дамир һәм Хөсәенов Илназ.

Бүген лагерьда "Гиннес рекордлары" көне  үткәрелде. "Иң җитез", "Иң батыр", "Иң сабыр", "Иң тыйнак", һәм башка иң-иң балалар билгеләнде. "Иң ерак самолет очыручы" укучы булып Сафиуллина Адилә табылды.

Бүген бездә кунак бар. Лагерьда сабын күбекләре беләнчакырылган кунакларыбыз  матур итеп чыгышлар күрсәттеләр. Күбекле чара кызыклы гына түгел, эчтәлекле дә булды.

Иртәдән көн яңгырлы булу сәбәпле, бүген спортзалда куңелле стартлар уеннары үткәрдек.  Балалар җитезлектә, тизлектә, бердәмлектә үзара көчләрен сынадылар. Вакытны бик күңелле үткәрдек.

Лагерьның 4 эш көне. Бүген без балалар белән "Күңелле балачак" темасына асфальтта рәсем ясау конкурсы үткәрдек. Иң оста рәсем ясаучыларыбыз Низаметдинов Кәрим һәм Сибгатуллин Адель булдылар. Молодцы егетләр!

Бүген без балалар белән авылыбыз янында урнашкан алма бакчасына килдек. Анда алмагачлар шау чәчәккә күмелгәннәр. Чәчәкләрнең хуш исен иснәп, хәрәкәтле уеннар уйнадык.