Озакламый язның беренче бәйрәме -8 МАРТ - Халыкара хатын- кызлар көне якынлаша. Әлеге бәйрәм уңаеннан укучыларыбыз буш вакытларын кадерле әниләренә бүләк ясауга багышладылар. 

Бүген мәктәбебездә "ГТО ны  бөтен гаилә белән" исеме астында акция уздырылды. 9 класс укучыларының әти-әниләре чаңгыда шууда, тупны кольцога кертүдә һәм озынлыкка сикерүдә үз көчләрен сынадылар. Уеннар кызыклы һәм файдалы үтте. 

 6 - 7 класс укучылары 23 февраль уңаеннан үзләренең якыннарын мәктәпкә бәйрәмгә чакырдылар. Башта үзләренең шигырьләрен, җырларын бүләк иттеләр, аннары "Ир-егетләр" һәм "Укучылар" командасы арасында бәйге булды. Барысы да бик актив катнаштылар Бәйрәм бик күңелле үтте.

Бүген 5 - 9 класс егетләре арасында "Егет булса - шундый булсын" исеме астында уен үткәрелде. Укучылар "Солдатлар" һәм "Партизаннар" командасына бүленде һәм төрле авырлыктагы биремнәр башкардылар. Укучылар бик актив булдылар. Кызлар үзләренең котлауларын җыр - бию ярдәмендә җиткерделәр. 20  :  17 очкосы белән ""Партизаннар" командасы өстен чыкты. Уукучыларга грамота һәм истәлекле бүләкләр тапшырылды.

 21 февраль - Бөтендөнья туган тел көне дип игьлан ителде. Шул уңайдан мәктәбебездә шушы бәйрәмгә багышланган кичә уздырылды. Укучылар милли киемнәрдән киенеп килгәннәр. Бергәләр "Туган тел" җырын башкардылар, татарча диктант яздылар, ахырдан бергәләп татарча биеделәр.

 19 февраль - 24 февраль тарих атналыгы дип игълан ителде. Шул уңайдан 21 февраль көнне 8 - 9 класс укучылары арасында "Бөек Ватан сугышы" темасына багышланган "Йолдызлы сәгать" үткәрелде. Тарих укытучысы Хабибуллина Гөлназ Галимҗан кызы кичәне бик эчтәлекле итеп алып барды. Укучылар да актив катнашты.  Бәйгедә иң күп йолдыз җыеп 9 класс укучысы Сайфуллина Динә җиңеп чыкты.

Бүген Ватанны саклаучылар бәйрәме уңаеннан  1-4 класс укучыларының әтиләре мәктәпкә кунакка килделәр. Укучылар әтиләргә багышлап шигырьләр сөйләделәр, җырлар башкардылар. Әтиләр һәм укучылар бергәләшеп уеннарда катнаштылар. Бәйрәм ахырында укучылар әтиләренә үз куллары белән ясаган бүләкләрен бүләк иттеләр.

15 нче февраль көнне мәктәбебездә М. Җәлилнең туган көненә багышланган « Бар җырымны илгә багышладым...” исемле әдәби кичә үткәрелде. Татар теле һәм әдәбияты укытучысы Хисмәтуллина В..Б. шагыйрьнең героик көрәш юлы белән таныштырды. Укучылар каһарман шагыйрьнең тормыш юлы, иҗаты хакында тагы да тулырак мәгълүматлар тупладылар. М.Җәлил шигырьләрен сәнгатьле итеп сөйләүчегә конкурс игълан ителде.

Безнең Иске Кырлай укучылары тимурчылык эшенә бик җаваплы карыйлар.  Ялгыз яшәүче әби-бабайларга бик теләп ядәм итәләр. Кар көрәү, өй җыештыру, гөлләр карау кебек эшләрне бик теләп башкаралар.  

Бүген уздырылган "Лыжня России" ярышында безнең мәктәбебез чаңгычылары да катнаштылар  һәм беренче урыннарны яуладылар.