Балаларны юл йөрү кагыйдәләренә өйрәтү исә, бүгенге көннең иң актуаль проблемаларының берсе булып кала бирә. Чөнки республикабызда автотранспорт саны, юлларда машина хәрәкәте көннән-көн арта бара. Шуның нәтиҗәсендә балаларның юл-транспорт һәлакәтенә юлыгу куркынычы да көчәя. Шуңа күрә балаларның урамда һәм юлда үзләрен дөрес тоту кагыйдәләрен өйрәнүгә әзерлек не башлангычтан ук оештыру максат итеп куела. Бала чакта алган белем һәм күнекмәләр яхшы үзләштерелә, тиз генә онытылмый, гомер буе саклана. Балаларда кечкенәдән үк юлда йөрү кагыйдәләрен формалаштыру әти-әниләрнең, укытучыларнын бурычы булып тора. Бүген 1 сыйныф укучыларыбызга юл йөрү кагыйдәләрен искә төшердек, мәктәптән өйгә кайтканда куркыныч юлны сайлауны күрсәттек, аңлаттык. Чараның максаты булып,  балаларның юл билгеләрен аера белүне, юлда хәвефсезлек кагыйдәләрен өйрәтүне дәвам итү, юлларда күзәтүчәнлекне, игътибарлылыкны, мөстәкыйль фикерләүне үстерү, урамда, үз-үзеңне тоту культурасы тәрбияләү иде.

Белем бәйрәме көнендә Илһам-Эльмира Низамовлар беренче сыйныфка укырга керүче балаларга һәм балалар бакчасына йөрүче сабыйларыбызга бүләкләр тапшырдылар. Коллективыбыз исеменнән Низамовлар гаиләсенә чиксез рәхмәтебезне белдерәбез. Исән-сау булыгыз!

Бүген Арча районы мәгариф хезмәткәрләренең август киңәшмәсе булып узды. Анда Татарстан республикасы Мәгариф һәм фән министрлыгының өстәмә һөнәр белем бирүне үстерү бүлеге җитәкчесе Роза Шәяхмәтова, район башлыгы Алмаз Хисаметдинов катнашты. Алар башта район мәгариф оешмалары эшчәнлеген чагылдырган бай һәм эчтәлекле күргәзмә белән таныштылар. Күргәзмәдә безнең мәктәп укучылары да катнашты. Алар махсус хәрби операциядә катнашучы егетләребезгә, файдалы үләннәрдән чәй ясау ысулын күрсәттеләр.

1-4 нче сыйныф укучылары мәктәп яны тәҗрибә участогында  бу атнада яшелчә чүбе утап, сулар сибәләр. 

Җәй көне ял диеп кенә

Укуны онытмыйбыз.

Уйнап, өйдә дә булышкач,

Кич китаплар укыйбыз.

Эшкә өйрәнеп үсәбез

Кече мәктәп яшеннән.

Чүп утыйбыз, су сибәбез

Эшлибез чын күңелдән.