Күмәкләшеп уйныйбыз

Язгы саф һаваларда.

Язгы кояш нурларында

Рәхәт шул балаларга.

Балалар бакчасында милли  уеннар өйрәтүгә тәрбиячеләр зур өстенлек бирә. "Наза", "Чума үрдәк, чума каз", "Йөзек салыш" уеннарын нәниләр зур кызыксыну белән өйрәнәләр

Бүген мәктәптә 3 нче чирек нәтиҗәләре буенча ата-аналар җыелышы үтте. Әти-әниләр башта "Әлифба бәйрәме" кичәсен карадылар, ә аннан соң  җыелыш классларда дәвам итте.  Алдагы чиреккә яңа максатлар һәм бурычлар куелды.

Бүген мәктәп-бакчабызда юлда йөрү кагыйдәләренә багышланган кичәләр үтте. Бәйрәмебездә ЮХИДИ хезмәткәрләре дә катнашты. Балалар бакчасында Нигъмәтҗанова Л.Г. " Юлда йөрсәң, бул өлгер - юл кагыйдәләрен бел!" темасына зурлар төркемендә ачык эшчәнлек күрсәтте.  Котдусова Г.М. башлангыч сыйныф укучылары белән " Имин булсын, юллар!" темасына,  укучыларның юл билгеләрен белүләрен тикшерү максатыннан, КВН үткәрде. Балалар бакчасы нәниләре дә, укучылар да юлда йөрү кагыйдәләрен бик яхшы беләләрен күрсәттеләр. Барыбыз өчен дә юллар имин булсын!

Мәктәп-балалар бакчасында Арча муниципаль районының башкарма комитетыннан килгән әйдәп баручы белгеч Нигматуллин М.К. ,укучыларны яшүсмерләр арасындагы тәртип бозуларны кисәтү  максатыннан,  чыгыш ясады.

Укучылар атна саен шахмат түгәрәгендә шөгыльләнәләр. Тәнәфесләрдә дә өстәл уеннары белән бик теләп уйныйлар.

Яз үзенең матурлыгы белән бер рәттән кеше тормышы өчен куркыныч чор да ул. Түбәләрдәге боз сөңгеләренә игътибарлы булыгыз! Үзегезнең сәламәтлегегезгә, куркынычсызлыгыгызга битараф булмагыз!

Балалар бакчасы нәниләре саф һавада кышкы уеннар уйнауны дәвам итәләр.  

Саф һавада чыныгабыз,

Йөгерешеп уйныйбыз.

Күпме генә уйнасак та,

Уеннан һич туймыйбыз!

Бүген мәктәптә укучы кызларыбыз арасында  "Кызлар-йолдызлар" конкурсы үткәрелде.

Язның беренче бәйрәме-

8 Март белән!

Тормыш матур, тормыш ямьле

Бары хатын-кыз белән!

Сәламәтлек, озын гомер

Телибез барыгызга.

Бәхет-шатлыкта гына

Яшәгез барыгыз да!