Чакыра, тагын чакыра

Кыңгырау классларга.

Бүгеннән -Белем көненнән

Уку елын башларга!

    Мәктәбебез бүген җәйге ялдан соң укучыларын кабат үзенә җыйды. "Саумы, мәктәбем!" дигән тантаналы линейка булып үтте.Бүген тәүге тапкыр мәктәп бусагасын атлап керүче 1 нче сыйныф укучыларыбыз аеруча шат иделәр. Укучыларыбызга укуларында зур уңышлар телибез, сәламәтлек телибез!

Җәй буе чәчәкләргә күмелеп, төзекләндерелгән мәктәп, балалар бакчалары биналары - районыбызда бик күркәм күренеш булып тора. Пешәнгер мәктәп-балалар бакчасы коллективы да җәй буе бинаны һәм территорияне төзекләндерү эшендә күп көч куйды.  Безнең тырышлыгыбыз район тарафыннан да тиешле бәяләнгәнгә без бик шатбыз.  26 нчы август көнне булып узган пленар утырышта безгә Арча муниципаль районы башлыгы Илшат Нуриев тарафыннан тирән эчтәлектәге рәхмәт хаты һәм сертификат тапшырылды. Без моның белән чиксез горурланабыз. Киләчәктә дә шушы рухта эшләргә язсын!

Җәй буе коллективыбыз мәктәп-бакча территориясен төзекләндерү, матурайту өстендә эш алып барды. Балалар уйный торган мәйдан да  яңартылган хәлдә, чәчәкләргә күмелеп сезне көтә, нәни дусларыбыз!

Август аеның 16 сыннан башлап районыбызда уку елы алды конференцияләре башланып китте. Узган уку елына нәтиҗәләр ясап, яңа уку елы яңалыклары белән танышу өчен конференцияләр бик тә әһәмиятле булыр дип ышанып калабыз.

Бердәм Россия партиясе үткәргән "Мәктәпкә җыенырга булыш" акциясе бүген Апаз урта гомумбелем бирү мәктәбендә үткәрелде. Пешәнгер башлангыч мәктәп-балалар бакчасының 1 нче сыйныфка укырга керүче балалары да бу истәлекле чарада катнаштылар.  Аларга уку кирәк-яраклары тутырылган сумкалар бирелде. Ә укучыларыбыз тырышып укырга, гел алдынгы булырга сүз бирделәр.

Сулыкларны саклау, чистарту безнең өчен бик әһәмиятле эш. Күмәкләшеп яр буйларын, чишмә юлларын чүп үләннәреннән чистарттык.

Балалар бакчасының уен мәйданчыгы яңартылды.

Мәктәп-балалар бакчабыз яңа уку елына балаларны кабул итәргә әзер. Класс кабинетлары, уен мәйданчыклары яңартылды.