Мәктәбебездә олимпиаданың мәктәп этаплары булып узды. Укучыларыбыз районда узачак муниципаль этапка әзерләнәләр.

1 нче класста ата-аналар, укытучылар, тәрбиячеләр катнашында әлифбадан ачык дәресләр булып узды. Укучылар дәрестә бик актив катнаштылар, укыган дәвердә нәрсәләр өйрәнгәнлекләрен күрсәттеләр. Ахырдан ата-аналар белән сөйләшү,фикерләр алышу булды. 

Кечкенәдән балаларыбыз хезмәткә өйрәнеп үсәләр. Бүген алар бүлмәләр җыештырырга, тузан сөртергә, уенчыкларны юарга өйрәнделәр. Барсы да бик теләп катнашты. Бер төркем балалар юып торды, калганнары кибәргә ташыды һәм матур итеп тезеп бардылар.

Шөгыльләрдә зурлар һәм мәктәпкә хәзерлек төркемендәге балалар бик күп нәрсәләргә өйрәнәләр.Балалар төрле рәсемнәр буенча сөйләргә теләп катнашалар. Тәрбиячеләре шөгыльләрдә кызыклы эш алымнары куллана.

Балалар бакчасында балалар геометрик фигуралар белән таныштылар. Шул фигураларны төсле кәгазьдән кисеп ясап, өй рәсемен төзергә өйрәнделәр.Балаларның эшләре бик матур килеп чыкты. 

Бүген 27 нче октябрь көнне мәктәп-бакчабызда 2 сыйныф укучыларын карлыгачлар сафына кабул итү булды. Укучылар "Карлыгачлар иленә сәяхәт" дигән уен-тамаша күрсәттеләр.Төрле тукталышлар аша үтеп 2 сыйныф укучылары үзләренең сәләтләрен , җырга-биюгә осталыкларын күрсәттеләр. Алар карлыгачның кагыйдәләрен , биеклекләрен сөйләп, җырын башкардылар.Бәйрәм бик күңелле үтте. Ахырдан балаларга бүләкләр тапшырылды. 

Уку белән беррәттән

Өйрәнәбез эшкә дә.

Винегрет ясыйбыз

Хезмәт дәресләрендә.

Бүген 20 нче октябрь көнне беренче кар яуды.Бөтен җир өсте ап-ак кар булды.Йомшак кар күп тә тормады,эреде.Бакчабызның сабыйлары беренче карга бик тә шатланды.

Бакчабызның нәниләре рәхәтләнеп төрле уеннар уйныйлар.Бигрәк тә лего, домино уеннары күңелле.

Мәктәп-бакчабызның хезмәткәрләре авылыбызның чишмә яннарын чистарттылар.Чишмә яннарын кипкән үләннәрдән, чүп-чардан арындырдылар.Авылыбыз чишмәсе бик чиста, матур булып калды.