Мәктәпкәчә яшьтәге төркем балалары туган телдә шигырьләр өйрәнә, яратып китаплар укыйлар.

Иминлекне тәэмин итү максатыннан чыгып, БПЛА һөҗүме куркынычы булганда үзеңне ничек тотарга, алардан ничек сакланырга, кургән очыракта нишләргә кирәклеге турында инструктаж дәрес утте. Укучыларыбыз видео материаллар аша пилотсыз очкычларнын нинди төрләре булуы һәм презентация, рәсемнәр ярдәмендә БПЛА кургән яки хөҗүм иткәндә кая хәбәр итергә, ничек сакланырга кирәклеге белән таныштылар.

Бүгенге Мөһим сөйләшүләр мәктәпләрдә «Ватанга
хезмәт итү Нәрсәне аңлата? Ф. Ушаковның тууына
280 ел» дигән темага багышланды.
Дәреснең максаты: укучыларда, атаклы флот
җитәкчесе һәм диңгез сугышының яңа тактикасын
булдыручы, җиңелмәс Адмирал Ф. Ф. Ушаков һәм
Россия Хәрби-диңгез көчләренең изге яклаучысы.изге
Тихон мисалында, гражданлык бурычы һәм Ватанга
хезмәт итү турында күзаллауларны булдыру, тарихи
традицияләргә хөрмәтне үстерү, ватанпәрвәрлек
һәм Ватан язмышы өчен җаваплылык хисләре уяту
булды.
Укучылар белән, шушы темага багышлап, әңгәмәләр
үткәрелде, видеоматериаллар каралды.

15 февраль - Герой шагыйрь Муса Җәлилнең туган көне. Ул - татар халкының сөекле улы, шигырьләре белән фашизмга каршы аяусыз көрәш алып барган бөек шагыйрь. Татар теле атналыгында, Муса Җәлилнең туган көне уңаеннан, мәктәп һәм балалар бакчасында тәрбияләнүчеләр белән берлектә патриотик сәгать үткәрелде. Китап күргәзмәләре аша балалар аның тормыш юлы, балачак, үсмер еллары, иҗаты белән таныштылар, шигырьләрен яттан сәнгатьле итеп укыдылар.

1979 елларда игълан ителмичә генә башланып киткән мәгънәсез Әфган сугышы күп кенә гаиләләргә олы хәсрәт китерде, япь-яшь ир-егетләрнең язмышларын үзгәртте. Республикабыздан 10 меңгә якын егетебез тыныч тормышта безгә бер бәйләнеше булмаган Әфганстан җирлегенә барып, чүлләр, таулар арасында сугышкан.
Бүген “Әфган сугышы кайтавазы” дип исемләнгән батырлык сәгате үтте. Әфганстан сугышын яктыртып китап күргәзмәсе куелды, презентацион материал күрсәтелде, Әфганстан һәм Чечня сугышында катнашкан егетләр турында әңгәмә үткәрелде.

Бүген мәктәбебездә, Совет гаскәрләрен Әфганстаннан чыгаруга 36 ел тулу уңаеннан, «Истәлек төене» («Узелок на память») акциясе узды.
15 февраль — узган гасырның мөһим вакыйгасына әверелгән, кешеләрне яңадан баш өстендәге тыныч күкнең кадерен белергә өйрәткән дата.
Акция кысаларында алар Әфган сугышы, аның төп вакыйгалары турында мәгълүмати листовкалар, шулай ук хәтер символы булган тасмалардан төеннәр тараттылар. Төенне хәтергә бәйләү - истә калдыру, ниндидер мөһим нәрсә турында онытмау дигән сүз. Әфганстанның канлы кырларыннан беркайчан да әйләнеп кайтмаучыларны, хәрби бурычларын намус белән үтәүчеләрне искә төшереп, хәтерләрдә мәңге сакларга ярдәм итсен иде бу төеннәр!

Буген Кушлавыч авыл клубында "Әфганстан- төзәлмәс яра" дип исемләнгән кичә булды. Әлеге чарада Әфган сугышында катнашкан курше авылдан Гомәров Фәрит Әдгам улы, Кушлавычтан әлеге хәрби хәрәкәттә катнашкан Фазылҗанов Айрат Әхәт улының әнисе Фәния апай, отставкадагы прапорщик Галимҗанов Габделфэт Габделәхәт улы, Чечня сугышында катнашкан Илнур Ильяс улы кунак булдылар. Бэйрэм җыр-биюләр белән үрелеп барды.

Әфганстан. Күпләрне тетрәндергән сүз бу. 1989 елның 15 февралендә совет гаскәрләре Әфганстаннан чыгарыла. Ә моңа кадәр ун ел диярлек сугыш, ун ел бәрелешләр, кан, курку, батырлыклар. Әлеге көнне искә алып мәктәбебездә «Әфганстан-төзәлмәс яра» (Афганистан- незаживающая рана) исеме астында батырлык дәресе утте.Дәреснен максаты: Әфган сугышы, аның асылы белән тирәнрәк таныштыру; Әфганстанда хәрби хезмәттә булган егетләргә карата хөрмәт хисләре тәрбияләү; укучыларга батырлык, героизм кебек хисләрнең югарылыгын күрсәтү; мондый сыйфатларны булдыруда үзтәрбиянең ролен аңлату.

Выставка "Современный солдат"

2025 нче ел Россиядә һәм Татарстанда Ватанны саклаучылар елы һәм Бөек җиңүнең 80 еллыгы уңаеннан, мәктәпләр арасында патриотик темага театраль постановкалар буенча бәйге башланып китте.
«Мирас» театр түгәрәгенә йөрүче укучыларыбыз, кичә Мирсәй Әмирнең «Тормыш җыры» әсәрен сәхнәләштерделәр. Әлеге чара Наласа мәдәният йортында үтте. Укучыларыбыз бик талантлы, без аларга уңышлар телибез.